‘Instabreasts’ нь хөх томруулах хагалгаа хийлгэх гэж буй эмэгтэйчүүдийн бодлыг өөрчлөх технологийн шинэ бүтээгдэхүүн юм. Нью-Йоркийн гоо сайхны мэс засалч, доктор Норман Роув хөх томруулах үйлчилгээтэй давсны уусмалтай тариаг санал болгож байна. “Эмэгтэйчүүдийн хөхний тойрогт шууд тарьдаг учраас хэрэглэхэд хялбар юм. Бүтээгдэхүүн хэрэглэсэн эмэгтэйчүүдийн 75 хувьд нь үр дүнгээ өгдөг” хэмээн доктор Роув тайлбарлав.

Энэ бүтээгдэхүүнийг хэрэглэсэн 32 настай Кэтти “Би өөрийгөө толинд хараад үнэхээр гайхсан. 24 цагийн дотор миний хөх мэдэгдэхүйц томорсон байлаа” гэж ярьсан байна. Бүтээгдэхүүн 2500 ам.долларын үнэтэй бөгөөд долоо хоног тутам 6-8 удаа тарихад хөх томорч эхэлдэг гэнэ. Гэхдээ нэгэнт хэрэглэсэн тариагаа дахин ашиглах нь халдвар тараах эрсдэлтэйгээс гадна хөхийг хөхрүүлж байна гэж шүүмжлэгчид буруутгав. Мөн арьсыг татаж сунган толбо үүсгэдэг гэнэ.