УИХ-ын 2012 оны сонгуулийн үр дүнд УИХ-д гуравдагч хүчин бий болсон ч өнөөдөр хэдийнэ  МАНАН-д бүдгэрч, уусан алга болсон байна. УИХ-д бие даагчид байгаа хэдий ч сөрөг хүчний үүрэг гүйцэтгэхэд хэтэрхий цөөдөж байгаагаас үүдэн Монголын улс төрд шинэ салхи эргүүлэхээр Хөгжил хүн клубынхэн нэгджээ. Тэд өнгөрсөн хугацаанд монголоо гэсэн сэтгэлтэй залуусыг цуглуулж, өөрсдийн багийг тэлсэн байна. Өнөөдрийг хүртэл ямар нэгэн байдлаар олны өмнө гараагүй уг залуус маргааш анхны форумаа зохион байгуулахаар болжээ. Тэд мухардалд орсон улс төрийн нөхцөлд салбараа мэддэг мэргэжилтэнүүд, боловсролтой, сэтгэлтэй залуусыг цуглуулж шинэ шийдэл, гарцыг олохоор ажиллаж байгаа юм.