Малайзын нийслэл Куала Лумпур хотноо Ази тивийн оюутны аварга шалгаруулах 3х3 сагсан бөмбөгийн тэмцээнээс Монгол Улсын баг тамирчид алтан медаль хүртлээ.
Манай тамирчид шигшээ тоглолтод БНХАУ-ын багийг 17:14 гэсэн оноогоор хожиж, Азийн аварга болсон байна. Ийнхүү манай баг тамирчид түүхэн амжилтын эзэд болж Ази тивийн аварга сагсанбөмбөгчдөөр анх удаа шалгарлаа.
Тоглолтуудын дүнг танилцуулахад, Монгол 19:18 Малайз, Монгол 21:14 Филиппин, Монгол 21:14 Иран, Монгол 16:14 Индонез, Хагас шигшээ тоглолтод Монгол 18:11 Тайланд, Шигшээ буюу аваргын төлөөх тоглолтод Монгол 17:14 БНХАУ гэсэн оноогоор тус тус ялж тивийн аваргын алтан медаль хүртсэн байна.
Сэтгэгдэл (4)