Жил ирэх тутам өргөн дэлгэр тэмдэглэдэг болоод буй Валентины баярын өдөр хаана ямар урлагийн тоглолт үзэж болохыг танилцуулж байна.
1. "Unplugged" тоглолт
Дуучин Чойжоо "Unplugged" нэртэй тоглолтоо хийнэ. Жил бүрийн валентинаар хосууддаа зориулан тоглодог түүний уламжлал энэ жил ч тасарсангүй. “Unplugged" гэдэг нь залгуураас салгасан гэдэг утгатай бөгөөд уран бүтээлчид амьдралдаа ганц хоёрхон удаа, зохион байгуулдаг маш ховор амьд, акустик тоглолт юм.
Хаана: Steppe Arena
Хэзээ: 2026.02.14 20:00
2. I LOVE YOU
Гэгээн хайрын баярт зориулсан Outlaw, Noname хамтлагуудын хамтарсан тоглолт болно.
Хаана: The Corporate Hotel and Convention Centre
Хэзээ: 2026.02.14 20:00
Тасалбар: 100.000 төгрөг
3. Valentine’s Motivation | 2.14
Гэгээн хайрын Валентины энэ үдэш бид хайрыг зөвхөн цэцэг, бэлгээр бус утга, ойлголтоор мэдэрнэ. "Mr. & Mrs. Smith" кино нь зүгээр нэг action, romance биш — ялгаатай хоёр хүн яагаад бие биенээ сонгосоор байдаг вэ?** гэдэг асуултад хариу өгдөг түүх. Энэхүү Movie Motivation-д
Life Coach Шаравдорж Амартүвшин багш эхнэрийнхээ хамт урилгаар оролцож, хайр дурлал, харилцаа, амьдралын чухал ойлголтуудаас туршлагаа хуваалцана.
Хаана: Skywing center
Хэзээ: 2026.02.14 20:00
Тасалбар: 50.000 төгрөг
4. GANGBAY "Valentine's" Special concert
Зөвхөн хосууд болон залууст зориулсан романтик уур амьсгал. Gangbay хамтлагийн хит дуунууд, сэтгэл хөдөлгөм тоглолт шоу, мартагдашгүй дурсамжийг бүтээх үдэш.
Хаана: Дархан хот, Darkhan United Arena
Хэзээ: 2026.02.14 20:00
Тасалбар: 59.000, 69.000, 79.000 төгрөг
5. Л.Минкус "Дон Кихот" балет
Мигель Де Сервантесийн "Кихот Ноён" зохиолоос сэдэвлэсэн энэхүү балет нь Китри, Базиль хоёрын хайр дурлал, тэдний дундуур хөндөлдөх баян тайж Гамаш, хүргэнээ сонгох гэж туйлбаргүй загнах Лоренцо нарын адал явдал, хөгтэй үйл явдлуудыг үзүүлнэ. Хэрмэл хөлөг баатар, адал явдал хайгч Кихот Ноён хэдийгээр туслах дүрийн баатар боловч хайртай хосын хувь заяаг сайхнаар шийдэх уран арга сийлэхээр шийднэ.
Дон Кихот балет нь аль нэг гол дүрийн баатрын үйл явдлын хурц өрнөлтийг үзүүлэхээс илүү, бүхий л жүжгийн турш догдлуулах өрнүүн үйл явдал, салахын аргагүй мэдрэмж бүхий цогтой үйл явдлууд тасралтгүй үргэлжилдгээрээ онцлог юм.
Хаана: Улсын Дуурь Бүжгийн Эрдмийн Театр
Хэзээ: 2026.02.14 17:00
Тасалбар: 40-80.000 төгрөг
6. "Хайрын тухай" Valentine’s Concert
Монголын хип хоп урлагт 25 жилийн түүх бүтээж хайр, үнэнч сэтгэл, нандин бүхнийг үгээр амилуулсаар ирсэн "Мөнхийн Реп" хамтлаг валентины баярыг тохиолдуулан "Хайрын Тухай" тоглолтоо та бүхэнд толилуулж байна. 2-р сарын 14-ний үдэш хайр дурлалын жаргал, догдлол бүхнийг шингээсэн хайрын түүх бүр дуу болон эгшиглэж, хамтдаа өнгөрүүлэх мөч бүхэн дурсамж болон үлдэнэ.
Хаана: UG Palace
Хэзээ: 2026.02.14 19:00
Тасалбар: 79.000, 199.000 төгрөг
7. LEGENDARY LOVE
Дэлхийн шилдэг дууриудын хамгийн уянгалаг хайрын дуунууд нэгэн үдэш эгшиглэх гэж байна. Гэгээн хайрын баярын өдөрт зориулан хайрын түүхийг хөгжимөөр хүүрнэх сонгодог үдэшд та бүхнийг урьж байна. Хайрттайгаа романтик аялгуугаар дүүрэн дурсамжит үдшийг хамт өнгөрүүлээрэй.
Хаана: Улаанбаатар театр
Хэзээ: 2026.02.14 19:00
Тасалбар: 60.000, 80.000 төгрөг
8. Jazz night valentines special SanchirSwinground
Sanchir Swinground хайрын баярын онцгой үдэш уран бүтээлээ өргөнө.
Хаана: Revo Garden Restaurant & Bar
Хэзээ: 2026.02.14 20:00
Тасалбар: 35.000 төгрөг
