Ой хээрийн түймрийг унтраахад гал сөнөөгчдөд туслах зорилгоор фейсбүүк худаснаа залуус нэгдэн “Гал сөнөөгчдөд туслах групп” байгуулан хэдийнээ 36 мянган гишүүнтэй болоод байгаа билээ. Энэхүү группэд нэгдсэн залуус хандивын аян болон өөрсдийнхөө чадлаар гал сөнөөгчдөд туслах ажлыг өрнүүлэн, галын бүст очиж ажиллаж байгаа юм.

Тодруулбал,энэхүү группээс Төв аймгийн Батсүмбэр сумын ой хээрийн түймэр лүү Гомбо ахтайгаа нэгдэн нийт 17 хүний бүрэлдэхүүнтэй хувиарлагдан хөдөлсөн хоёрдугаар багийнхан Шатанг Өлгийн пост гэх газруудын галын тархац дээр гурван шөнө, дөрвөн өдрйин турш ажилласан байна. Иргэний зориг гарган ажилласан тэдгээр залуусыг Батсүмбэр сумын "Хүндэт тэмдэг"-ээр шагнажээ. 

Энэхүү группийн залуус удахгүй Туул голоо цэвэрлэх аян өрнүүлэх юм байна.