Завхан аймгийн Дөрвөлжин сумын Хомын талын орон нутгийн хамгаалалттай газарт Францын Тахь Хамгаалах Холбооны Монгол дахь хөтөлбөрийн газар 1998 оноос эхлэн тахь адуу сэргээн нутагшуулах, байгаль хамгааллын нэгдсэн хөтөлбөр хэрэгжүүлж байгаа билээ. Энэхүү хөтөлбөрийн хүрээнд Монгол орны баруун бүсийн Их нууруудын хотгорын газарзүй, байгаль цаг уурын өвөрмөц онцлог бүхий орчинд тахь амжилттай нутагшиж байна. 

Тус аймгийн Дөрвөлжин сумын Онц багийн нутагт тахь нутагшаад 20 иод жил болж байгаа бөгөөд өдгөө тахийн гурван азарга 60 гаруй толгой болж өсчээ.

Цаашид тахь адууны амьдрах орчинг бүхэлд нь улсын ТХГН-д хамруулах, тахь адууны генетик болон популяцийн нэгдсэн мэдээллийн санг бий болгох, тахь адууг эзэмших, ТХГН-ын менежментийг хариуцан хамгаалах эрх зүйн орчинг бий болгох хэрэгтэй байгааг албаныхан мэдээллээ.