Сэлэнгэ аймгийн Баруунбүрэн суманд 39 настай эрэгтэй хүн гэрээсээ гараад сураггүй алга болжээ. Улмаар тус аймгийн Онцгой байдлын газрын Гал түймэр унтраах 61 дүгээр ангийн найман албан хаагч, Сайхан сум дахь Цагдаагийн хэлтсийн есөн албан хаагч, ар гэрийн 14 хүн нийт 31 хүн эрэн хайж байгаа ч одоогоор сураг гараагүй байна. Гэхдээ эрлийн багийнхан Баруунбүрэн сумын Бургалтай багийн “Номгоны-Өвөр” гэдэг газраас /сумын төвөөс баруун урд зүгт 30 км-т/ түүний 45-76 СЭҮ улсын дугаартай, “Истана” загварын автомашиныг арванхоёрдугаар сарын 1-ний өдрийн 09:40 цагт олсон байна.