Монголын Үндэсний бөхийн холбооны маргаан одоо ч үргэлжилсээр байна. Монгол бөх сонирхдог, бөхөд хайртай ард түмнээ хууран мэхлэж, хоёр талцуулан хэрэлдүүлж байгаа нь туйлын харамсалтай. Гэвч энэ бүхэн МҮБХ-г хууль бусаар удирдаж байсан Р.Нямдоржийн буруутай үйл ажиллагаанаас үүдэлтэй ажээ.
Монголын Үндэсний бөхийн холбоо 2001 оны зургадугаар сарын 12-14-ний өдрүүдэд Монголын Үндэсний бөхийн ээлжит бус ИХ ЭЕ-ийг хуралдуулж тэргүүнээ сонгох асуудлыг хэлэлцсэн байдаг. Гэвч удирдлагаа өөрчлөх болон бөхийн барилдааны дүрмийг хэлэлцсэн ч маргаан үүссэнээс шүүх ИХ ЭЕ-ээс гаргасан гурван тогтоолыг хүчингүй болгосон юм. Улмаар уг асуудал бүх шатны шүүхээр явж, эцэстээ Р.Нямдоржийг өөрийгөө холбооны тэргүүнээр тавьсан нь хууль бус гэсэн шийдвэр гаргажээ. Р.Нямдорж нь өнгөрсөн хугацаанд хууль бус үйлдлүүдээ залруулах оролдлого хийх нь байтугай харин ч дахин 2010 онд мөн л хууль бус их хурал зохион байгуулж асуудлыг дахин будилаантуулж нийтдээ 7 удаа шүүхийн шийдвэрээс эсрэг зүйл хийж ирэв.
Тиймээс Шүүхийн шийдвэр гүйцэтгэх газраас тамга тэмдэг, гэрчилгээг хүчингүй болгож, МҮБХ-той холбоотой холбоотой ямар нэгэн үйл ажиллагаа явуулахгүй байхыг сануулсан юм.
Гэвч шийдвэр гүйцэтгэх байгууллагын мэдэгдлийг үл ойшоож улмаар хууль бус хурал зохион байгуулж болохгүй гэж сануулаад байхад зохион байгуулах нь хэр зөв бэ. Тэр ч бүү хэл Р.Нямдоржийг шүүхийн шийдвэрээс эсрэг үйл ажиллагаа явуулсан тул эрүүгийн хэрэг үүсгүүлэхээр Нийслэлийн шүүхийн шийдвэр гүйцэтгэх газрын дарга өөрийн биеээр цагдаагийн байгууллагад ханджээ. Баримтыг нь та бүхэн доорх зургаас харж болно.
Р.Нямдорж бол яах вэ, сурсан зангаа тавихгүй хүн. 20 жилийн турш шүүхийн байгууллагыг хуультай нь хамт уландаа гишгэж, 7 удаагийн шүүхийн тогтоолыг эсэргүүцэж яваа буруу зангарагтай нэгэн. Гэтэл уг бусармаг үйл явдалтай хууль зөрчих нь байтугай хууль захиулах үүрэг бүхий хамгийн өдөр албан тушаалтан болох УИХ-ын гишүүн Б.Бат-Эрдэнэ аварга орооцолдоод явж байгаа нь ариун явдал уу. Ард түмэндээ гүндүүгүй, нэр цэвэр, гар цэвэр гэж хүндэтгүүлдэг дархан аварга, төрийн түшээ маань өөрөө төрийн хуулиа, Монголын шүүхээ уландаа гишгэлээ. Ингэхээр хэн хууль шүүхэд итгэх юм бол. Хэн хууль дүрмээ биелүүлэх юм бэ.
Оюуны өмч, улсын бүртгэлийн газраас Р.Нямдоржийг авч зугтаад байгаа гэрчилгээ, тамга тэмдгийг хэдийнээ хууль бус хэмээн үзээд хүчин болгочихоод байна. Итгэхгүй бол баримтыг нь эндээс үзэж болно.
Шийдвэр гүйцэтгэх байгууллагаас хууль ёсны хурлыг нь зохион байгуулаад бүх бөхчүүдийн төлөөллийг оролцуулаад хууль дүрмийнх нь дагуу МҮБХ-ны тэргүүнээр Л.Чинбат томилсонг доорх баримтаас харж болно.
Шүүхийн байгууллагаас хүчингүй болсон тамга тэмдэг ашиглахгүй байх, эрх зүйн чадамжгүй учир хурал цуглаан зохион байгуулах эрхгүй гэж хэлээд байхад Б.Бат-Эрдэнэ аваргатай нийлээд хурал зохион байгуулаад байгаа хүмүүсийг одоо юу гэж үзэх вэ. Энэ улсын хууль дүрэм Р.Нямдорж, Б.Бат-Эрдэнэ гэх хоёр хүнд огт үйлчлэхгүй байх заалттай юм уу. Эсвэл эрх мэдлийн өмнө хууль, шүүх бөхийдөг цэвүүн цаг ирээд байгаа хэрэг үү. Ер нь бол дэмий л хүнээ дагаж бүтэхгүй "бантантай" орооцолдлоо доо эрхэм төрийн түшээ аварга аа. 2018 оны 3 дугаар сарын 24-ны өдөр Р.Нямдоржийн зохион байгуулж таны МҮБХ-ны тэргүүнээр томилсон бусармаг явдлыг чинь хуулийн байгууллага хүчингүй гэж үзчихээд байна. Ойр тойрны хүмүүс чинь аварга танд энэ тухай хэлдэггүй юм бол ядаж цагаан дээр хараар бичсэн доорх бичгийг нэг хараарай. Нэр хугарахаар, яс хугар гэдэг юм шүү.
Сэтгэгдэл (7)