9:00 цагт Ногоон санхүүжилтийн II форум болно. Ногоон санхүүжилтийн II форум болно. Форумд ЭХЯ, Эрчим хүчний зохицуулах хороо, Уул уурхай, хүнд үйлдвэрийн яам, Хүнс, хөдөө аж ахуй, хөнгөн үйлдвэрийн яам, Барилга, хот байгуулалтын яамны төлөөлөл, Эрчим хүч хэмнэлтийн хуулийн дагуу эрчим хүч хэмнэх үүрэг хүлээсэн томоохон байгууллагын төлөөлөл оролцох юм. Форумын үеэр Хүлэмжийн хийг бууруулах бизнесийн зээлийн үр ашиг, хүлэмжийн хийн бууралтыг худалдаалж нөхөн олговор авах боломж зэрэг сонирхолтой сэдвүүдээр илтгэл тавьж, эрчим хүч хэмнэлтийн талаарх хууль тогтоомжийг танилцуулна.
09:00 цагт "Чингис" зочид буудлын 3 давхарт OXУ-тай радио давтамжийн хилийн бүсчлэлийг баталгаажуулах гэрээнд гарын үсэг зурна.
09:00 цагт Пума империал-Хурлын танхимд Ус нь байгалийн стратегийн үнэт баялаг гэж үзэж усны салбарын төрийн байгууллагуудын чиг үүрэг, хамтын ажиллагаа, уялдаа холбоог боловсронгуй болгох мөн усны зохисгүй хэрэглээ сүүлийн жилүүдэд эрчимтэйгээр нэмэгдэж байгааг таслан зогсоохын тулд төрийн байгууллага, эрдэмтэд судлаачид хамтран ажиллах талаар хэлэлцэж усны бодлогыг засаглалын түвшинд авч үзэх, засаглалын чадавхийг хөгжүүлэх орчин үеийн мэдээллийн технологийн эринд нийцсэн, үр ашигтай тогтолцоог тогтоох талаар олон тал хамтран ярилцан хэлэлцэж үр дүнг зөвлөмж хэлбэрээр төрийн захиргааны төв байгууллагад хүргүүлнэ.
09.20 цагт Төрийн архивын удирдах ажилтны нэгдсэн зөвлөгөөн эхэлнэ. Архивын ерөнхий газраас Төрийн архивын удирдах ажилтны нэгдсэн зөвлөгөөнийг Улаанбаатар хотноо 29 дэхь удаагаа зохион байгуулах гэж байна. Тус зөвлөгөөн 2018 оны 04 дүгээр сарын 19, 20-ний өдрүүдэд Архивын ерөнхий газрын байранд болох бөгөөд ХЗДХЯ, Төрийн 37 архивын удирдлагууд болон АЕГ-ын бүтцийн нэгжийн удирдлага, мэргэжилтнүүд, ААХХ-ийн хяналтын улсын байцаагч нар оролцоно.
09:30 цагт Нийслэлийн Засаг дарга С.Батболд Чингэлтэй дүүрэгт ажиллана. Агаарын бохирдлыг бууруулах, гэр хорооллыг барилгажуулах чиглэлээр хийж байгаа төслүүдийн хэрэгжилт явцтай танилцана.
10.30 цагт Үндэсний Статистикийн Хороо, Монголын Математикийн Багш нарын Академи хамтран Ерөнхий боловсролын сургуулийн ахлах ангийн сурагчдын дунд “Математик, статистикийн улсын уралдаан”-ыг анх удаа зохион байгуулж байгаа билээ. Тус уралдааны эцсийн шалгаруулалт өнөөдөр эхэлнэ. Уралдааны II шатанд аймаг, нийслэлийн 10 баг шалгарсан бөгөөд өнөөдөр багууд бүтээлээ илтгэн танилцуулж, шүүгчдийн комиссын асуултад хариулах зэргээр өөрсдийн бүтээлийг хамгаалж ялагчийг тодруулах юм.
10:40 цагт Гэр хорооллын дахин төлөвлөлтийн төслүүдийг хэрэгжүүлэх чиглэлээр Чингэлтэй дүүргийн иргэдтэй уулзалт хийнэ. Гэр хорооллын дэд бүтцийн төв /сервис центр/, агаарын бохирдлыг бууруулахтай холбоотой авч хэрэгжүүлж байгаа арга хэмжээний талаар холбогдох албаныхан оролцоно.
11:00 цагт ШӨХТГ-аас Засгийн газрын XI байрны 9-н давхарт 905 тоот хурлын танхимд хэвлэлийн хурал хийнэ. Хэвлэлийн хурлаар агентлагийн 2018 оны эхний улиралд хийгдсэн онцлох ажил, хэрэглэгчийн өргөдөл гомдол, хяналт шалгалтын ажил, түүний үр дүн болон цаг үеийн шинжтэй зарим хяналт шалгалтын ажлуудаас танилцуулах болно.
12:00 цагт Хөл бөмбөгийн дэлхийн аврага шалгаруулах тэмцээнтэй холбоотойгоор, Монголоос анх удаагаа тоглолтын нээлтийн бөмбөгийг гардуулах хүүхдийг шалгаруулахтай холбоотой хэвлэлийн бага хуралыг Emart худалдааны төвийн KIA show room-д зохион байгуулах гэж байна.
