Улсын тэргүүний 18 дугаар цэцэрлэг энэ хичээлийн жилд 11 бүлгийн 350 гаруй хүүхдэд сургуулийн өмнөх боловсролыг олгож байна. 2018 онд гадна дулааны шугам, 30 гаруй жил засвар хийгдээгүй байсан гал тогоо, багш хөгжлийн танхимаа 40 орчим сая төгрөгийн хөрөнгө оруулалтаар засаж сайжруулжээ.
Тус цэцэрлэгийн ахлах В бүлгийн эцэг эхчүүд санаачлан хүүхэд багачуудынхаа сурч боловсрох, цэвэр таатай орчныг бүрдүүлэх үүднээс “Адтай Монгол Жаалууд” төслийг боловсруулан Дархан-Уул аймгийн Засаг даргын тамгын газарт хүргүүлсэн байна. Үүний дагуу тус төсөл нь шалгарч орон нутгийн хөгжлийн сангийн хөтөлбөр төслийн ангиллын зардлаас хоёр сая төгрөгийн санхүүжилтийг авч ийнхүү эцэг эхчүүд хүүхдийнхээ анги танхимыг тохижуулж чаджээ.