"Хотын төлөвлөлт, барилгажилтын норм, дүрэм"-д заасан хүн амын тооцоот нягтрал 450 хүн/га байх хязгаарыг давсан нийслэлийн зургаан дүүргийн 111 байршил, 1044 га газарт шинээр газар эзэмших, ашиглах эрх, барилга байгууламж барих зөвшөөрөл олгохгүй байх шийдвэрийг хотын дарга гаргалаа.
Тодруулбал, Нийслэлийн иргэд, оршин суугчдын эрүүл, аюулгүй орчинд амьдрах эрхийг хангах, “Хот төлөвлөлт, барилгажилтын норм ба дүрэм БНбД 30.01.04” хэрэгжилтийг зохион байгуулах зорилгоор Улаанбаатар хотын хөгжлийн ерөнхий төлөвлөгөөнд тусгасан, энэ захирамжийн хавсралтад заасан суурьшлын бүсийн хязгаарт инженерийн болон нийгмийн дэд бүтцийн барилга байгууламж, нийтийн эзэмшлийн зам, талбай барихаас бусад зориулалтаар шинээр газар эзэмших, ашиглах эрх, барилга байгууламж барих зөвшөөрөл олгохгүй байхыг захирамжлав.
Б.Лхам