УИХ өөрөө тарах тогтоолын төслийг дэмжиж УИХ-ын гишүүн Ж.Эрдэнэбат гарын үсэг зурсаар нийт 13 гишүүний гарын үсэг цуглараад байна. Энэ үеэр тэрбээр “Ер нь бол Эрдэнэбатын Засгийн газар ч бай, Хүрэлсүхийн Засгийн газар ч бай явуулсан үйл ажиллагаа ард түмэндээ үр ашигтай, алдаатай оноотой байна уу гэдгээс үл хамааран МАН-д л хаяглагдана.
Аль ч Засгийн газрын үйл ажиллагаа сайн явж, ард түмний амьдрал сайжирвал МАН-ын үйл ажиллагаа сайжирч байна гэж харна. Аль ч Засгийн газар нь муу ажиллабал МАН муу ажиллалаа гэсэн дүгнэлтийг улс төрийн сонгуулиар ард түмэн өгнө. Тиймээс би өмнө болон одоогийн Засгийн газрын үйл ажиллагаанд санал шүүмжлэл хэлмээргүй байна. Гэхдээ Ж.Эрдэнэбатын Засгийн газар яагаад огцорсон бэ гэдэг нь тодорхой болсон. Албан тушаалын хүсэл, шуналдаа үндэслэгдэж, гарын үзэг зуралтууд болсон гэдэг нь дараагийн Засгийн газар байгуулагдахад тодорхой байсан. Цаашдаа энэ УИХ Үндсэн хуульдаа өөрчлөлт оруулж, төрийн дархлааг бий болгож, Засгийн газрын тогтвортой үйл ажиллагааг бүрдүүлэх ёстой байтал өнөөдөр илүү дордуулсан хуулиудыг батлаж байгаад үнэхээр харамсч байна.
Г.Нацаг
Сэтгэгдэл (3)