УИХ дахь АН-ын бүлгээс мэдээлэл хийлээ. Энэ талаар УИХ дахь АН-ын бүлгийн дарга Д.Эрдэнэбат “Өнөөдөр АН-ын бүлэг цаг үеийн асуудлаар хуралдлаа. УИХ өөрөө тарж, ээлжит бус сонгуулийг яаралтай зохион байгуулах шаардлагатай гэсэн тогтоолын төслүүдийг танилцуулж, гарын үсэг зурах ажиллагаа боллоо. Учир нь УИХ өөрөө тарах саналын самбарт 14 гишүүн гарын үсэг гарын үсэг зураад байна. Мөн УИХ цаашид үйл ажиллагаагаа цаашид хэвийн явуулах боломжгүй болсон гэдгийг хүн бүр харж байгаа.

Тиймээс уг шийдвэрийг гаргасан. Өнөөдөр гишүүдийн хоорондын тэмцэл хэрээс хэтэрч байна. Энэ бүх үйлдэл Монгол төрийг үнэлэх үнэлэмжийг бууруулж байгаа нь гарцаагүй үнэн. УИХ-ын даргыг огцруулах эсэх асуудал нь МАН-ын өөрсдийнх нь асуудал. Энэ нь ч хуулийх дагуу явагдаж байгаа гэж харж байна. УИХ-ын даргад олон нийтийн итгэл үнэмшил буурсан.

Уг асуудал ч УИХ-ын нэр хүндэд шууд нөлөөлж байна. Нийслэлийн иргэдээс авсан судалгаагаар 85 хувь нь Их Хурлыг тарах ёстой гэж үзсэн нь УИХ-ын даргын ч асуудал. Мөн Их Хурлын үйл ажиллагаатай холбоотой асуудал гэдгийг бид ойлгох хэрэгтэй. Хоёрдугаарт, Л.Болд гишүүн АН-ын гишүүн хэвээр байгаа. Тиймээс АН-ын дүрмиийн дагуу нийцүүлж өргөдлөө гаргах үүрэгтэй” гэв. Ингээд УИХ дахь АН-ын бүлгийн дарга Д.Эрдэнэбатаас цаг үеийн холбогдолтой зарим зүйлийг тодрууллаа.

-Өнөөдрөөс төрийн ордны хашаа руу албан хаагчдын машиныг оруулахгүй гэх журам үйлчилж байна. Энэ нь албан тушаалтнуудад таатай нөхцлийг олгосон, бусдыг бодоогүй гэх шүүжлэл дагуулаад байна. УИХ-ын гишүүний хувмар үүнд байр сууриа илэрхийлнэ үү?

-Засгийн газар ийм шийдвэр гаргасан байсан. Миний ойлгосноор зайлшгүй шаардлагатай машинуудыг оруулахад буруу зүйл байхгүй. Гэхдээ талбайн багтаамжаасаа хамаарч ийм шийдвэр гаргасан байх.

-2016 оны сонгуульд УИХ-ын гишүүн Ж.Батзандан, Л.Болд нар АН-аас нэр дэвшиж сонгогдсон. Гэтэл ижил үйлдэл гаргасан гишүүдэд өөрөөр хандсанд гайхаж байна?

-Хоёр өөр байр сууринаас хандаагүй. Ж.Батзандан гишүүнийг намаас хассан шийдвэр гаргасан. Л.Болд гишүүний хувьд намаас хасаагүй, сануулах арга хэмжээ авсан. Хасах, сануулах арга хэмжээ өөр. Тиймээс Л.Болд гишүүнийг намын дүрмийн дагуу асуудлаа шийдвэрлэх шаардлага тавьж байна.

-УИХ-ын нэр бүхий гишүүд 40 орчим хоног бойкот зарлалаа. Тиймээс иргэдийн зүгээс УИХ-ын чуулган удахгүй хаагдах асуудалд шүүмжлэлтэй хандаж байна?

-Манай нам амармаар байна. Намрын чуулганаас хойш зөвхөн Төсвийн тухай хуулийг л хэлэлцэж баталлаа. Нийгэм, эдийн засгийн шинжтэй ямар ч хууль батлагдсангүй.

Б.Лхам