У.Хүрэлсүхийн Засгийн газар УИХ-аас гаргасан 23 дугаар тогтоолыг биелүүлэхгүй байна “Иргэний эрхийн тунхаглал” ТББ-аас Асгатын мөнгөний ордын асуудлаар мэдээлэл хийлээ. Тэдний зүгээс Ерөнхий сайд Салхитын мөнгөний ордыг авч чадсан шигээ Асгатын мөнгөний ордыг аврах шаардлагатай байгааг хэлж байна. Тодруулбал, Ерөнхий сайд Ч.Сайханбилэгийн үед 2016 оны зургадугаар сарын 13-ны өдрийн Засгийн газрын тогтоолоор “Эрдэнэт үйлдвэр” ХХК болон “Монгол Росцветмент” үйлдвэрийн 49 хувийн энгийн хувьцааг ОХУ-аас худалдаж авах давуу эрхээсээ татгалзсан шийдвэр гаргажээ. Харин 2017 оны хоёрдугаар сарын 10-ны өдөр дээрх 330 дугаар тогтоолын нэгдүгээр заалтыг хүчингүйд тооцсон УИХ-ын 23 дугаар тогтоол гарчээ.
Дээрх тогтоолууд гарсан ч улс өөрийн мэдлийн 49 хувиа авч чадаагүй хэвээр байгаа бөгөөд тус ногдол ашгийг “Монголиан Копр Корпорейшн” компани хүртсээр байгаа аж. Тиймээс тус хөдөлгөөнөөс үүнийг эсэргүүцэж буйгаа хэлээд Ерөнхий сайд У.Хүрэлсүхийг ард түмний эрх ашгийн төлөө ажилладгаа нотолж уг асуудлыг шийдэж өгөхийг шаардсан юм. Мөн уг асуудалтай холбоотойгоор Захиргааны хэргийн шүүхэд удаа дараа нэхэмжлэл гаргасны үндсэн дээр шүүхээс хэрэг үүсгэхээр болсон байна.
Энэ талаар тус хөдөлгөөний хуулийн зөвлөх Г.Батбаяр “У.Хүрэлсүхийн Засгийн газар дээрх 23 дугаар тогтоолыг яагаад биелүүлэхгүй байгааг гайхаж байна. Тиймээс уг тогтоолын заалтыг биелүүлж өгөхийг Засгийн газраас нэхэмжилсэн” гэв.
Б.Лхам
Сэтгэгдэл (6)