УИХ-ын гишүүн С.Бямбацогт, Ё.Баатарбилэг, Д.Дамба-Очир, Х.Нямбаатар, Д.Оюунхорол, М.Оюунчимэг,Б.Саранчимэг,Б.Ундармаа, Н.Учрал, Н.Цэрэнбат, Б.Чойжилсүрэн, Л.Элдэв-Очир нарын 12 гишүүн утааны эсрэг лобби бүлэг байгууллаа. Өнөөгийн байдлаар Улаанбаатар хотын суурьшлийн бүсийн 50 гаруй хувь нь агаарын чанарын стандартаас давсан бөгөөд зарим хэсэгт онц аюултай хэмжээнд хүрэхүйц бохирдолтой байна.

Агаарын бохирдлыг бууруулахад зарцуулсан мөнгө 500 тэрбум давсан ч бодитой үр дүн гараагүй байна. Тиймээс УИХ-ын гишүүд утааны эсрэг санаачилга гаргаж, бодитой үр дүн, шийдвэртэй ажил хийхийн төлөө нэгдэж буйгаа мэдэгдлээ.