Нийслэлийн прокурорын газрын Ерөнхий прокурор, хууль цаазын тэргүүн зөвлөх Д.Баярмагнай өөрийн хүсэлтээр үүрэгт ажлаасаа чөлөөлөгдөх хүсэлтээ Улсын Ерөнхий прокурорт өгсөн юм. Түүний араас орлогч прокурор Ж.Сандагсүрэнг мөн чөлөөлөх тухай асуудал яригдсан бөгөөд оронд нь нийслэлийн Прокурорын газрын хяналтын прокурор Н.Амарсанааг томилохоор ашиг сонирхлыг шалгуулахаар АТГ-т хүргүүлсэн мэдээлэл бий.

Ноовын Амарсанаа нь хяналтын прокуророор 2014 оны гуравдугаар сарын 5-нд томилогдсон юм байна. Тэрээр 2018 оны “Шилдэг прокурор” зэрэг олон удаа шилдэгээр шалгарч байснаас гадна томоохон хэргүүдэд хяналт тавин ажилласан туршлагатай ажээ.

Тэрбээр Монголын прокуроруудын холбооны Удирдах зөвлөлийн гишүүнээр 2017 онд сонгогдсон бөгөөд хуулийн салбартаа ихээхэн нэр хүндтэй нэгэн юм байна.

Тэрбээр 2016 онд АТГ-д хөрөнгө орлогоо мэдүүлэхдээ өөрийн нийт орлого 30.1 сая, гэр бүлийн орлого байхгүй гэсэн бол нийт хоёр орон сууцтай гэжээ. Мөн 243 сая төгрөгөөр үнэлэгдэх өвөлжөө, хаваржаа, хүлэмжтэй бол есөн сая төгрөгийн үнэтэй toyoto harrier загварын автомашинтай, 12 сая төгрөгийн ханштай өмчлөлийн 500 метр квадрат газартай, 5.5 сая төгрөгийн зээлтэй гэж мэдүүлж байжээ.

Г.Нацаг