УИХ-ын өнөөдрийн нэгдсэн чуулганаар Л.Болд нарын зургаан гишүүн өргөн мэдүүлсэн С.Зоригийн амь насыг хөнөөсөн хэргийг шалгах түр хороо байгуулах эсэх асуудлыг хэлэлцэж гишүүдийн олонхийн саналаар баталлаа.
Энэ үеэр УИХ-ын гишүүн Д.Эрдэнэбат "Энэ хэрэг 1998 онд үйлдсэн. Гэтэл шийдэгдээгүй байсаар 20 жил боллоо. Би энэ хэргийг Эрдэнэт үйлдвэртэй холбоотой гэж боддог. Энэ хэргийг шийдэхгүй олон хүнийг үндэслэлгүй барьж хорих вий. Энэ хэргийн эцсийн хариуцагч нь УИХ болох вий. Энэ хэрэг эзэн холбогдогчгүй замхрах вий гэдгээс санаа зовж байна. Ирэх долоо хоногийн даваа гарагт АН-ын зөвлөл хуралдаж, гурван зөвлөмж өгнө. Эрүүдэн шүүсэн бичлэг гарсны цаана нь "Жаст"-ын Ц.Батхүү суллагдсан. Ц.Нямдорж сайд үүнийг замхруулж болохгүй шүү. Та захиалагчийн талаар ямар нэгэн зүйл мэдэж байвал хэлээч.
Л.Болд: Монгол Улсын байнгын ажиллагаатай парламенттай л юм бол ажлын хэсэг байгуулах ёстой. Монгол Улсын парламент 20 жил дув дуугүй явж ирснийг Олон улсын парламентийн холбоо, НҮБ-д юу гэж тайлбарлах вэ. Өнөөдөр Монгол Улсын парламент олон улсад террорист шиг харагдаж байна.
Н.НОмтойбаяр: Зарим гишүүд улс төрийн нэр хүндээ өсгөх зорилгоор энэ хэргийн талаар камерын өмнө шүлсээ үсэргэж байна.
Ц.Нямдорж: Хэргийг мөрдөн шалгахад хууль зөрчсөн асуудал бий эсэхийг шалгана. Эрүүдэн шүүх асуудал 2013 оноос эхэлсэн. Намайг сайд болоход хэдийн дууссан байсан. Энэ тухай та нарыг жагсаал хийхээс нэг хоногийн өмнө дэлгэрэнгүй бичээд С.Эрдэнэд өгсөн.
Д.Эрдэнэбат үзсэн байлгүй.
Би амьдралдаа "хардаж байгаа" гэж хэлж үзээгүй. Чимээгүй сууж байгаад энэ улсыг гяндан шорон болгож болдог юм уу.
Сэтгэгдэл (12)