Замын-Үүд суманд 1992 оноос хойш авто тээврийн боомт нээгдэж, хүн зөөж, тээвэр эрхэлдэг УАЗ 469 авто машин явж эхэлжээ. Харин 2005 оноос БНХАУ-ын боомтоор орох тээврийн хэрэгслүүдэд шахалт орж эхлэн 2007 онд нөхцөл байдал нь хүндэрч тухайн үеийн Зам, тээврийн хөгжлийн сайд арга хэмжээ аван хэвийн нөхцөлд нь орсон талаар “Эвийн үүд хамтын жолоо”, “Говийн жолоо”, “Далд хүн” төрийн бус байгууллагын төлөөллүүд өнөөдөр мэдээлэл хийлээ.
Тэдний хэлснээр Дорноговь аймгийн Замын-Үүд сумын улс хооронд тээвэр эрхлэгчдийн эрх ашиг зөрчигдөж байгаа аж. Тодруулбал, 2015 онд БНХАУ-ын Эрээн хотын өвөр монголчууд тээвэр эрхлэгчдээс батлан даалт нэрийдлээр хууль бус татвар, татаас авдаг байсныг тухайн үедээ тээвэрчид нь тэмцэж, БНХАУ-ын Ардын засгийн газарт өргөх бичиг барьснаар таслан зогсоосон байна.
Гэвч 2018 оны тавдугаар сарын 21-ний өдрөөс эхлэн дахин шахалтад оржээ.
Ингэхдээ тээврийн хэрэгслийн зорчих эрхийг нь хасч, жолооч нарыг зодож, УАЗ 469 машинаар иргэдийн гар тээшийг ачих эрхгүй болгосон. Мөн Эрээн хотын байцаагчийн харилцаа ёс зүйн хувьд өндөр доголдолтой болж, өнгө үзэмжээр асуудлыг шийддэг байна. Төрийн бус байгууллагуудын зүгээс Замын-Үүд сумын тээвэрчдийн дунд тулгамдаж буй асуудлын талаар судалгаа хийжээ.
Уг судлагаанаас харахад 47 жолооч нэг тэрбум гаруй төгрөгийн банкны зээлтэй байгаа нь гарсан.
Тиймээс нэг жолоочийн ард олон хүний асуудал яригдаж байгаа төдийгүй тус сумын ард иргэдийн амьдрал эрс доройтож, ажилгүйдэл нэмэгдэж байгаа тул Авто тээврийн үндэсний төв, Засгийн газар, Зам, тээвэр хөгжлийн яам зэрэг холбогдох байгууллагууд анхааралдаа авч ажиллахыг хүсэж байна” гэлээ.
Г.Эрдэнэ
Сэтгэгдэл (6)