Дөрөвдүгээр сарын 29-ний энэ өдөр улс төр болоод нийгэмд, эдийн засагт олон үйл явдал өрнөх төлөвтэй байна. Эдгээрээс 10.00 цагаас “Босоо хөх Монгол”, Нэхүүл болон “Манан дэглэмийн эсрэг монгол түмний нэгдэл” төрийн бус байгууллагууд нэгдэн АТГ-ын дарга Х.Энхжаргалыг огцруулах жагсаал зохион байгуулах гэж байна.

Өмнө нь "МАНАН дэглэмийн гар хөл болсон Х.Энхжаргалыг огцруулах ёстой" гэсэн шаардлагыг хэд хэдэн удаа гаргаж байсан. Тэдгээрийн эл шаардлага нь хуульд үл нийцсэн тул хүлээж авах боломжгүй гэдгийг улстөрчид онцолж байсан юм. Улсын Ерөнхий прокурор болон Улсын Дээд шүүхийн шүүгчийг өнгөрсөн сард албан тушаалаас нь буулгасан. Үүнтэй холбогдуулан АТГ-ын даргыг мөн солих тухай яригдаж байгаа. Тэгвэл дээрх төрийн бус байгууллагаас зохион байгуулах гэж буй эл жагсаал нь хэн нэгний захиалга гэж харах хүмүүс цөөнгүй байна. Ингээд өнөөдөр болох үйл явдлыг тоймлон хүргэе. 

“Blue Sky” зочид буудалд

08:00 цагт  "Эрдэнэс Тавантолгой" компанийн 2018 оны үйлдвэрлэл, санхүүгийн үйл ажиллагаанд хийсэн шинжилгээ, 2019 оны төсвийн харьцуулсан тооцоо ба Ногдол ашиг" уулзалт болно.

МУИС-ийн Номын санд

09:00 цагт  “Дэлхийн оюуны өмчийн өдөр”-т зориулсан “МУИС-ийн Оюуны өмчийн өдөрлөг-2019” болно.

АТГ-ын гадна талбайд

10:00 цагт  “Босоо хөх Монгол”, Нэхүүл болон “Манан дэглэмийн эсрэр монгол түмний нэгдэл” ТББ-ууд АТГ-ын дарга Х.Энхжаргалыг огцруулах жагсаал зохион байгуулна.

Нийслэлийн Иргэний танхимд

10:00 цагт  “Ил тод худалдан авах ажиллагаа 2019” болно.

ХААИС-ийн Хатан туул театрт 

10:00 цагт  “Оюутны инновацийн шилдэг бүтээл шалгаруулах уралдаан” эхэлнэ.

СТО-нд

11:00 цагт Пауэрлифтингийн Азийн аварга шалгаруулах тэмцээнд амжилттай оролцсон Монгол Улсын баг Японд болох ДАШТ-ий талаар мэдээлэл хийнэ.

“Туушин” зочид буудлын "Сүлд" танхимд

11:00 цагт  "Холливуд Монголд" олон улсын кино уран бүтээлчдийн анхдугаар фестивалийн зохион байгуулагч нар цаг үеийн асуудлаар мэдээлэл хийнэ.

 ШӨХТГ-т

11:00 цагт  тус байгууллагаас "Зам тээврийн салбараар үйлчлүүлдэг хэрэглэгчдийн эрх ашгийг хамгаалах нь" сэдвээр мэдээлэл хийнэ.

“Үндэсний мэдээллийн төв”-д

11:00 цагт МАХН-аас Баянзүрх дүүрэгт болсон дахин сонгуулийн талаар мэдээлэл хийнэ.

11:30 цагт Ардчилсан намын гишүүд намын гишүүнчлэлээсээ татгалзах асуудлаар мэдээлэл хийнэ.

“Монгол ньюс” мэдээллийн төвд

11:00 цагт Газар зохион байгуулалт, геодези зураг зүйн газраас иргэдийн газар өмчлөх, эзэмших, ашиглах эрхийн мэдээллийг нээлттэй болгох талаар мэдээлнэ.

11:30 цагт “1072 хувьцаа эзэмшигчдийн эрх ашгийг хамгаалах холбоо”-ноос “Эрдэнэс Тавантолгой” компанийн хууль бус ажлын талаар мэдээлэл хийнэ.

Монголын хүүхдийн урлан бүтээх төвийн “Орд” галерейд

15:00 цагт  “Баярлалаа Турк орон” уран зураг, гар урлал, уран бичлэгийн үзэсгэлэнгийн нээлт болно.

“Корпорейт” зочид буудалд

16:00 цагт  Математикийн улсын 55 дугаар олимпиад эхэлнэ.