Онцгой байдлын ерөнхий газрын дарга, хошууч генерал Т.Бадралыг шалгаж байгаа  гэдэг мэдээллийг АТГ-аас өгсөн. Тодруулбал, АТГ-ын Мөрдөн шалгах хэлтсийн дарга Ч.Жаргалбаатар "Онцгой байдлын ерөнхий газрын генерал, хурандаа цолтой алба хаагчдыг шалгагдаж байна. Тус газрын дарга, хошууч генерал Т.Бадрал нарыг яллагдагчаар татан шалгаж эхэлсэн" гэсэн юм. Тиймээс үүнтэй холбогдуулан ОБЕГ-ын дарга, хошууч генерал Т.Бадрал дараах асуултыг тодрууллаа.

-Таныг АТГ-аас шалгаж, холбогдох хэргийг харьяа цагдаагийн газарт шилжүүлсэн гэсэн. Ямар асуудлаар таныг шалгасан юм бэ. Та мэдүүлэг тайлбар өгсөн үү?

-2015 онд Онцгой байдлын албанд техник тоног төхөөрөмж авсан юм. Ингэхдээ техник төхөөрөмж, машиныг үнэтэй авсан гэж шалгасан. Би энэ талаарх тайлбар, мэдэгдлээ өгсөн.

-Цаашид энэ хэрэг яаж шийдэгдэх бол?

-Энэ асуудал прокурорт шилжсэн. Прокурор энэ хэргийг хянаж үзээд буцаасан юм билээ. Өөрөөр хэлбэл, “Шалгалт дутуу хийгдсэн байна” үндэслэлээр буцаасан. Тиймээс АТГ энэ асуудлыг дахин шалгаж үзээд прокурорын байгууллагад хүргүүлэх байх.