Тагнуулын ерөнхий газрын дарга асан, хошууч генерал Б.Хурцыг гүйцэтгэх ажлын журам зөрчсөн үндэслэлээр хорьсон билээ. Түүнийг С.Зоригийг хөнөөсөн хэрэгт шалгаж байсан хүмүүсийг эрүүдэн шүүсэнтэй холбогдуулан баривчилсан гэж цагдаагийн байгууллагаас мэдээллэсэн. Хошууч генерал Б.Хурц улсын нууцтай холбоотой учраас ТЕГ-ын дарга Гэрэлийн зөвшөөрөлгүй мэдүүлэг өгөхгүй гэж саатуулагдсныхаа дараахан мэдэгдэж байсан юм. Тэгвэл саатуулагдснаас хойшхи найм хоногийн хугацаанд нэг ч удаагийн мэдүүлэг өгөөгүй байгаа аж. Төрийн нууцын тухай хуулиар нууцын зэрэглэлтэй материалтай харьцаж байсан хүнийг хоёр жилийн хугацаанд “нууц тээгч” гэж үздэг байна. Түүний хувьд ажлаа өгөөд 1.6 жил болж байгаа учраас төрийн нууц тээгч гэж үзэх үндэслэлтэй юм байна.

Чингэлтэй дүүргийн Эрүүгийн хэргийн анхан шатны шүүхээс Б.Хурцыг 15 хоног хорих шийдвэр гаргасан юм. Эх сурвалжийн мэдээллэснээр түүнийг тус хорих ангид ганцаарчлан хорьж байгаа аж.