Монгол бөхийн өргөөнд улсын начин Ч.Мөнхтогтохын нэрэмжит үндэсний бөхийн барилдаан өнөөдөр болж, аймгийн цолтой шижигнэсэн 256 бөх уран мэхийг уралдуулан хүчийг үзэх нь сайхан байлаа. Сайны хажуугаар саар гэгчээр хоёр бөхийн барилдаан маргаантай болж, эцэстээ нэг бөх хуулийн хаалга татахаар болж байна. Өвөрхангай аймгийн арслан Б.Цэдэнсодном, Архангай аймгийн арслан Б.Зоригтбаатар нарын дунд өрнөсөн барилдааныг хөлийн цэцээс Б.Зоригтбаатарыг давсан гэж үзсэн ч учраа бөх нь хүлээн зөвшөөрөөгүй юм. Б.Зоригтбаатар аргаа барагдахдаа арслан Б.Цэдэнсодномд тахим өгсөн. Үүнд Бөхийн өргөөнд хурсан олон ихэд бухимдаж харагдав. Энэ асуудал яван явсаар үзэгчдийн талцуулж, аймгийн заан Нямаа хөлийн цэцийн гишүүд дээр очиж хэл амаар доромжилсон байна. МҮБХ-ноос аймгийн заан Нямааг цагдаагийн байгууллагад шалгуулна гэдгээ энэ үеэр мэдэгдсэн юм.
Энэ мэдэгдлийн араас аймгийн арслан Б.Цэдэнсодном "хөлийн цэцийг нутаг усаар харахгүй үнэн бодитой шийдвэрлэж, хөндлөгийн хүний үгээр асуудалд хандахгүй байвал залуучууд бидний урам зориг мохохгүй, маргаан будилаан гарахгүй байх болно" хэмээн цахим хуудастаа бичиж үлдээжээ.
Б.Жаргал
Сэтгэгдэл (11)