АН-ын зарим гишүүд намын дарга С.Эрдэнийг огцрохыг шаардлаа. Тэд “АН-ын МАНАН бүлэглэлийн хамсаатан болсон С.Эрдэнэ, Д.Эрдэнэбат нарт хариуцлага хүлээж огцрох ёстой. С.Эрдэнэ гэдэг хүн намыг дарангуйлалын арга барилаар удирдаж хүссэн хүнээ хасдаг, эрүүлээр шүүмжилсэн хүнийг намаас хөөдөг нэг хүний тогтолцоотой комунист нам болж хувирсан. Мөн тэд ард иргэдийн эрх ашгийн төлөө зогсож чадахгүй байна гэж үзэж дараах шаардлагыг хүргэж байна” гэсэн юм.

Шаардлагад,

• С.Эрдэнэ, Д.Эрдэнэбат та нар МАН-ын “60 тэрбум”-ын бүлэглэлийг өмгөөлсөн улс төрийн байр суурь илэрхийлж, М.Энхболдыг хамгаалсан санал өгч, шүүх, прокурор, АТГ-ын   авилгач удирдлагыг өмөөрсөн мэдэгдэл, үйлдлүүдээрээ “МАНАН-МАФИ”-ийн хамсаатан болохоо удаа дараа нотоллоо. 
• С.Эрдэнэ, Д.Эрдэнэбат та нар “МАНАН-МАФИ”-ийн эрх ашгийг хамгаалсан санал өгөхийг УИХ-ын дахь бүлгийн гишүүддээ хүчээр тулгаж, улмаар ард түмний язгуур эрх ашгийн төлөө санал өгсөн Л.Болд, Ж.Батзандан нарыг намаас хөөснөөр УИХ-д Ардчилсан нам бүлэггүй болж, Парламент дахь хяналтын тогтолцоо үгүй боллоо.
• Та Нийгмийн даатгалын ерөнхий газрын дарга болон, Хүн амын хөгжил, нийгмийн хамгааллын сайдаар ажиллаж байсан бөгөөд Нийгмийн даатгалын үндэсний зөвлөлийн даргаар ажиллаж байхдаа албан тушаал, эрх мэдлээ урвуулан ашиглаж “Капитал” банканд нийгмийн даатгалын мөнгийг байршуулсан, улмаар өөртөө давуу байдал бий болгож, их хэмжээний мөнгө завшсан хэрэгт хардагдаж, намын нэр хүндийг унагалаа.
• МАН-ын “60 тэрбум”-ын схемийг Ардчилсан намд оруулан намын бүхий л удирдах албан тушаалыг мөнгөөр үнэлж зарсан. Ерөнхийлөгчид нэр дэвшигчийг тодруулах сунгаанд оролцоход 250 сая төгрөг, Нийслэлийн намын даргад нэр дэвшихэд 90 сая төгрөг, дунд шатны намын даргад нэр дэвшихэд 20 сая төгрөг, Монголын Залуучуудын холбооны даргад нэр дэвшихэд 125 сая төгрөг зэрэг мөнгөн босго тавьж, Ардчилсан намыг мөнгөний нам болгосон” гэлээ.

Р.Хишигжаргал