БОАЖЯ-ны нэр бүхий албан тушаалтнууд шонхор шувууг хил давуулсан асуудлаар Монголын мэргэжлийн анчдын холбооноос мэдээлэл хийлээ.
Энэ талаар Монголын мэргэжлийн анчдын холбооны тэргүүн Д.Гэрэл "Яамнаас зөвшөөрөл авч шонхор барихаар ирсэн арабууд зөвхөн шонхор барихгүй байна. Хажуугаар нь Улаан номонд орсон бусад ан амьтныг агнадаг. Энэ талаар баримт мэдээллийг тагнуулын байгууллагад өгөхөд "Шалгаж байна" гэдэг. Эргээд ямар хариуцлага тооцсон талаар мэдээлэл огт байдаггүй.
Шонхор барих зөвшөөрөл өгдөг жинхэнэ эзэд нь мэдэгдэхгүй байна. Шонхор барих тухай нууц тогтоолоор сүүлийн хоёр жилд Монголоос олон зуун шонхор хил давуулсан. Шонхор барих зөвшөөрлийн тоо, гаалийн мэдүүлэг дээрх тоо хоорондоо зөрдөг. Барихаар ирдэг арабууд нийтийн онгоцоор ирдэггүй. Хоёр, гурван шонхор барих зорилготой гэдэг хэрнээ том том онгоцтой ирдэг. Тэр онгоцондоо хэдийг ачаад явж байгаа нь тодорхойгүй" гэлээ.
Тэрбээр нууц тогтоолтой холбоотой асуудлаар хуулийн байгууллагуудад хандсан ч зөвхөн цагдаагийн байгууллагаас энэ хэрэг АТГ шалгаж байгаа гэсэн хариу ирүүлжээ.
Мөн шонхор барих тухай тогтоол нууцын зэрэглэлтэй, дугаар болон бусад мэдээлэл нь байхгүй учраас мэдээлэл хаалттай байгаад байна гэлээ.
Г.Алимаа
Сэтгэгдэл (3)