Монгол Улсын Ерөнхий сайд асан Н.Алтанхуягийн зөвлөх Л.Гансүх цаг үеийн асуудлаар мэдээлэл хийлээ.

Тэрбээр "Шударга бусын хонгил"-д хэлмэгдэгсдийн холбоо ТББ байгуулагдаад удаагүй байна. Үүсгэн байгуулагдсанаасаа хойш нэг сарын хугацаанд 83 хүн эрхээ хамгаалуулж, хамтран ажиллах хүсэлтээ бидэнд ирүүлсэн. Манай холбооны дэргэд хуульчдын баг ажиллаж уг асуудлыг судалж байна. Цаашид хууль завхруулж иргэдийг хохироосон ийм балмад үйлдлийг гаргуулахгүй, таслан зогсоох зорилгоор нэвтрүүлэг хийж, нийгэмд хүргэхээр болсон. Эхний нэвтрүүлгийг иргэн Д.Энхбат, Б.Жаргал, Б.Ганхуяг нарт хэрхэн хилс хэрэг тохсон, хуулийн байгууллагын ажилчдын хууль бус асуудлыг илчилсэн” гэлээ. Мөн "Эрүүгийн хэргийн танхимын шүүгч нарыг өөрчлөх цаг нь болсон.

Учир нь бидний судалгаагаар Ерөнхийлөгч асан Ц.Элбэгдоржийн тавьсан шүүгч нар байна лээ. Тэр дунд хуулийн сургууль төгсөөгүй ч хүн бий.

С.Зоригийн амь насныг хохироосон хэргийг шалгахдаа арай дэндүү ажилласан байна. Тиймээс Ж.Батзандан, Л.Болд гишүүдийн Дээд шүүхийн шүүгч нарыг солих саналыг дэмжиж байна" гэлээ.

Р.Хишигжаргал