УИХ дахь МАН-ын өнөөдрийн хуралдаанаар барьцаагүй жилийн гурван хувийн хүүтэй итгэлийн зээлийн хуулийн төсөл өргөн барих болсон талаараа мэдээлэл хийлээ.

Энэ талаар УИХ-ын гишүүн Д.Оюунхорол “Банканд тавих барьцаа хөрөнгө байхгүй учраас иргэд зээлд хамрагдаж чадахгүй байсан. Өнөөдөр МАН-аас нийгмийн итгэлцэлийг бий болгосон бүтээгдэхүүнийг гаргах зайлшгүй шаардлахга бий болсон гэж үзэж энэ хуулийг өргөн барьж байна. Ингэснээр өнөөдөр нийгмийн итгэлцлмийг бий болгох боломж амжиргаагаа сайжруулах, амжиргааг өөд нь тататхад боломжтой зээл болно гэж үзсэн.

Энэ зээл бий болсноор иргэд Монгол Улсын хэмжээнд нийт зээлдэгчдийн 90 хувь нь 20 сая төгрөгийн зээлийг авдаг болно.

Итгэлийн зээлийн дээд хязгаарыг 20 сая төгрөг байна гэж тооцвол нийт зээлдэгчдийн 90 хувь буюу гурван сая иргэн хуулийн этгээдэд урт хугацаатай бага хүүтэй зээл авах боломжийг бүрдүүлнэ гэж үзэж байна. Энэ зээлийг авах иргэдэд өндөр шалгуур шаардлага тавигдана. Итгэлийн зээлийн хуулийн төсөл батлагдсанаар нийгэм, эдийн засагт дараах үр дагавар бий болно гэж үзэж байна. Нэгдүгээрт, өрхийн аж ахуй болон бичил бизнес эрхлэгчийн орлогыг нэмэгдүүлэх хөдөлмөр эрхлэлтийг бодитой дэмжлэг үзүүлэхэд дэмжлэг болно. Хоёрдугаарт, Монгол Улсад өрхийн болон бичил зээлийн хүртээмжийг нэмэгдүүлж, хууль хэрэгжсэнээр санхүүгийн тогтвортой байдлыг хангахад эерэгээр нөлөөлнө. Гуравдугаарт, өрхийн дундаж орлого нэмэгдэхээс гадна санхүүгийн сахилга бат хувь хүний чадавхийг нэмэгдүүлэх орон нутгийн тогтвортой хөгжил урагшлах ядуурлыг бууруулахад эерэг нөлөө үзүүлнэ. Мөн энэ зээлийг олгосноор иргэдийн сахилга бат, санхүүгийн боловсрол нэмэгдэх боломжтой болно” гэлээ.

Мөн “Энэ зээлийг авахад батлан зээл, батлан даалт, баталгааны гэрээгээр хүлээсэн хугацаа хэтэрсэн аливаа өргүй хүн энэ зээлийг авна.

Өөрөөр хэлбэл, зээлдэгчийн өрх дтор ямар нэгэн хугацаа хэтэрсэн зээлтэй, батлан даалт өөр хүнд гаргаж өгсөн, баталгааны гэрээгээр хүлээсэн үүрэгтэй хүмүүс энэ зээлд хамрагдаж чадахгүй.

Хоёрдугаарт, сүүлийн нэг жилд болон түүнээс дээш хугацаанд тогтмол өрхийн аж ахуй болон бичил бизнесийг заавал эрхэлж байсан байх шаардлагатай төсөл хөтөлбөртэй хүн байна. Гуравдугаарт, орлогын тогтвортой эх үүсвэртэй гуравдагч этгээд зээл авах гэж буй иргэнд батлан даалт гаргаж өгнө. Дөрөвдүгээрт, энэ зээлийг олгохын тулд санхүүгийн суурь мэдлэг олгох сургалтад зайлшгүй хамрагдсан байх ёстой” гэдгийг онцолсон юм.

Р.Хишигжаргал