Өнгөрөгч баасан гараг буюу энэ сарын 17-ны орой АН-ын дэд дарга Г.Батхүү Төрийн ордны баруун жигүүрийн гонхноос унаж нас барьсан харамсалтай хэрэг гарсан билээ. Тэгвэл өнөөдөр УИХ дахь АН-ын гишүүд хэрэг гарсан газарт цэцэг өргөж, хүндэтгэл үзүүллээ. Энэ үеэр УИХ-ын гишүүн Д.Эрдэнэбат “Итгэл үнэмшил үзэл бодол нэгт нөхөр маань өндрөөс унаж амь насаа алдсан энэ газар хүндэтгэл үзүүлж байна. Энэ үйл явцтай холбогдуулан Г.Батхүү агсныхаа гэр бүл, төрөл төрөгсдөд болон зөвлөлийн гишүүдийнхээ нэрийн өмнөөс гүн эмгэнэл илэрхийлье. Болсон хэрэгтэй холбогдуулан нийгэмд буруу ташаа мэдээлэл гарч байгаад харамсаж байна” гэлээ.
Уг золгүй хэрэг болохоос өмнө талийгаачийг АН-ын дарга С.Эрдэнийн өрөөнөөс гарч явсан гэж зарим хэвлэл бичсэн. Тэгвэл энэ талаар С.Эрдэнэ “Талийгаач манай өрөөгөөр ороод гарсан зүйл байхгүй. Би үдээс өмнө АН-ын зөвлөлийн хуралд суугаад явсан. Үдээш хойш би Төрийн ордонд байгаагүй. Харин “АН-ын үзэл баримтлал” номын нээлт болсон. Тэнд байсан” гэлээ.
Р.Хишигжаргал
Сэтгэгдэл (20)