Нийгмийн бодлого, боловсрол, соёл, шинжлэх ухааны байнгын хорооны өнөөдрийн хуралдаанаар Засгийн газарт өнгөрөгч дөрөвдүгээр сарын 30-ны өдөр өргөн мэдүүлсэн Монгол Улсын эдийн засаг, нийгмийг 2020 онд хөгжүүлэх үндсэн чиглэл батлах тухай УИХ-ын тогтоолын төслийг хэлэлцлээ. Энэ үеэр УИХ-ын гишүүн М.Оюунчимэг “Эрүүл мэнд, боловсролын салбарт анхаарал хандуулж ажиллана гэдэг нь мэдээллээс харагдаж байна. Асуулт байна. 42 цэцэрлэг гэдэг нь 2020 онд төсөв мөнгө нь тусгагдаж шинээр баригдах цэцэрлэг үү. Эсвэл хүлээлгэж өгөх цэцэрлэг юм уу. Энд газар чөлөөлөлтийн асуудалд хэр анхаарч байгаа юм бэ. Салбар цэцэрлэг, эрүүл мэндийн төв байгуулна гээд төсөв мөнгө нь тусгагдсан байдаг. Гэтэл газар чөлөөлөлтийн асуудал саатаад байдаг.
УИХ-ын гишүүн, БСШУС-ын сайд Ё.Баатарбилэг “2020 онд шинээр барих сургууль цэцэрлэгийн газрын асуудлыг нийслэлтэй ярьж байна. Үндсэн чиглэлд сууж 2020 оны төсөвт цэцэрлэг, сургуулийн төсөв гаргах юм бол нийслэлийн газрын асуудал шийдэгдсэн газар барина. Энэ жилийн байдлаар 19 сургууль, цэцэрлэг газаргүй байсан. Үүний 11 газрын асуудлыг шийдсэн. Нийслэлээс сонгогдсон гишүүд төсөвт суутгахаас эхлээд газрын асуудлыг уялдуулж ажиллах хэрэгтэй байна.
УИХ-ын гишүүн Ч.Хүрэлбаатар: Цэцэрлэг, сургуулиуд ашиглалтад орно. Өөрөөр хэлбэл, санхүүжилт нь он дамжаад орсон, 2020 онд үлдэгдэл санхүүжилт нь орно" гэв. Үүний дараа УИХ-ын гишүүн Б.Ундармаа нарын найман гишүүн 2018 оны зургадугаар сарын 26-ны өдөр өргөн мэдүүлсэн Ерөнхий боловсролын сургуулийн хоол үйлдвэрлэл, үйлчилгээний тухай хуулийн төсөл болон хамт өргөн мэдүүлсэн “Хууль хэрэгжүүлэх зарим арга хэмжээний тухай” Улсын Их Хурлын тогтоолын төслийг хэлэлцэж дэмжлээ.
Сэтгэгдэл (8)