Монголын Чөлөөлт бөхийн холбооноос тамирчин М.Пүрэвтунгалагийг “Нур-Султан-2019” тэмцээнд оролцуулахгүй гэсэн, дарамталсан гэдгийг түүний ар гэрийнхэн мэдэгдсэн билээ. Энэ дагуу “Нур-Султан-2019” тэмцээний эмэгтэй  53 кг-ийн жинд Монголоос тамирчин явуулахгүй байх хүсэлтийг МЧБХ-нд  хүргүүлсэн байна. Уг өргөдлийн дагуу Чөлөөт бөхийн холбооны сургалт дасгалжуулалтын техникийн зөвлөл энэ сарын 10-ны орой орой яаралтай хуралджээ. Энэ талаар Монголын чөлөөт бөхийн холбооноос өнөөдөр мэдээллээ. 

Тодруулбал, техникийн зөвлөлийн хурлаас "2019 оны ДАШТ-ууд  бол Монгол Улсын хувьд олимпийн наадамд оролцох эрх авах хариуцлагатай жил. 53 кг-ийн жин олимпийн наадмын хөтөлбөрт багтдаг. Олимпийн наадмын эрх авахын тулд ДАШТ-д барилдах тус жинд Монгол Улсыг төлөөлүүлж Э.Сумъяаг  барилдуулах нь зөв” гэсэн шийдвэр гарсан гэдгийг хэлээд тамирчин М.Пүрэвтунгалаг эрүүл мэндэд анхаарах хэрэгтэй. Эмчилгээнд шаардлагатай хөрөнгө санхүүг холбооны зүгээс гаргана гэдгийг тус холбооны Ерөнхий нарийн бичгийн дарга Б.Батбаяр хэллээ.

Харин энэ талаар тамирчин М.Пүрэвтунгалагийн аав С.Мөнхбат  “Манай гэр бүл  Зөвлөлөөс гарсан дээрх шийдвэрийг хүндэтгэн хүлээж авч байна. Монгол Улсын нэрийг бодож Э.Сумъяаг ДАШТ-руу явуулах шийдвэрийг хүлээж авлаа. Э.Сумъяа ДАШТ-д сайн барилдаж олимпийн эрх авч ирээрэй гэж ерөөе” гэсэн юм.