Цагдаагийн ерөнхий газраас өнгөрсөн хоёр сарын гэмт хэргийн нөхцөл байдлын талаар мэдээлэл хийлээ.
ЦЕГ-ын Мэдээлэл, дүн шинжилгээ, Шуурхай удирдлагын албаны дарга, цагдаагийн хурандаа О.Зоригт “2020 оны эхний хоёр дүнгээр 6745 гэмт хэрэг бүртгэгдсэн. Энэ нь өнгөрсөн оны 691 буюу 9.3 хувиар буурсан үзүүлэлт юм. Нийт бүртгэгдсэн гэмт хэргийн 63 хувь нь нийслэлд, үлдсэн нь орон нутагт бүртгэгдсэн. Эдгээрийг задалж үзвэл, гэмт хэрэг зургаан аймаг, нийслэлийн найман дүүрэгт буурсан бол 14 аймагт өссөн байна.
Бүлгээр нь авч үзвэл, хүний амьд явах эрхийн эсрэг гэмт хэрэг 24 хувиар буурсан. Тухайлбал, хүнийг алах хэрэг 40 хувь, эрүүл мхэндийн халдашгүй байдал 9.3 хувиар үүнд гэр бүлийн хүчирхийлэл үйлддэг гэмт хэрэг 83 хувиар буурсан. Мөн бэлгийн эрх чөлөө халдашгүй байдлын эсрэг гэмт хэрэг 79.8 хувиар, үүний дотор будыг хүчиндэх гэмт хэрэг 36.3 хувиар тус тус буурлаа.
Гэмт хэргийн бүтцийн тухайд авч үзвэл, манай улсад бүртгэгдэж байгаа гэмт хэргийн 80 орчим хувь нь хоёр бүлэгт заагдсан гэмт хэрэг эзэлдэг байсан. Үүний нэг нь өмчлөх эрхийн гэмт хэрэг бөгөөд энэ оны хувьд нийт гэмт хэргийн 65 хувийг эзэлж байна. Хоёрдугаарт, хүний эрүүл мэндийн халдашгүй байдлын эсрэг гэмт хэрэг 21.7 хувийг эзэлж байна. Энэ оны хоёрдугаар сарын байдлаар нийт үйлдэгдсэн 1734 гэмт хэргийн 44 хувийг 18-29 насны залуучууд эзэлж байна. Хөдөлмөр эрхлэлтийн байдлыг нь авч үзвэл, 53.3 хувь нь тодорхой эрхэлсэн ажилгүй иргэд байна. Мөн оны эхний хоёр сайрын байдлаар биеэ зүй бус авч явсан, гэр бүлийн амгалан тайван байдал алдагдуулсан шалтгаанаар 17430 эрүүлжүүлэгджээ. Үүний 91.6 хувийг эрэгтэйчүүд эзэлж байна. Түүнчлэн 8.4 хувийг эмэгтэйчүүд, 18 насанд хүрээгүй 37 иргэн эрүүлжүүлэгдсэн.
Сар шинийн өдрүүдэд архи согтууруулах ундааны зүйл хэтрүүлэн хэрэглэсэн дуудлага өмнөх оны мөн үеэс өссөн. Хэдийгээр гадуур үзвэр үйлчилгээ явагдахгүй байгаа ч иргэд гэртээ архидан согтууруулах ундааны зүйл хэрэглэж байгаа гэж дүгнэж болохоор байна. Мөн өдрүүдэд гэр бүлийн хүчирхийлэл 35.3 хувиар, зам тээврийн осол 54.3 буурсан. Харин хүн алах гэмт хэрэг дөрөв, хүчиндэх гэмт хэрэг тав, залилангийн гэмт хэрэг нэг тус тус гарчээ” гэлээ.
А.Сүх
