УИХ-ын гишүүн Б.Пүрэвдорж цаг үеийн асуулаар мэдээлэл хийлээ.

Тэрбээр “2020 онд Засгийн газраас цар тахлын эсрэг 5.1 их наяд төгрөгийн хэрэгжилттэй холбоотой мэдээлэл өгье. 2020 оны төсвийн талаар нь цар тахлын эсрэг хариу арга хэмжээ авч хэрэгжүүлсэн. Харамсалтай нь хэрэгжүүлсэн арга хэмжээ нь үр дүнд хүрээгүй.

5.1 тэрбумаар Засгийн газар иргэдийнхээ эрүүл мэндийг хамгаалах, хоёрдугаарт, эдийн засгаа, гуравдугаарт, ААН-үүдээ уналтад орохоос хамгаалъя гэсэн. Тэгвэл дээрх зорилтууд хэрэгжсэн үү гэдгийг бодох хэрэгтэй.

Нэгдүгээр зорилго биелсэн үү. Өнөөдөр гэхэд шинээр 77 тохиолдол илэрлээ. Хөдөө орон нутагтаа алдлаа. Хоёрдугаар зорилго ч биелээгүй. Эдийн засаг 5.3 хувиар агшсан. 1991, 1992 онд л эдийн засаг 8 хувиар унаж байсан түүх бий. Гуравдахь зорилго ч бүрэн биелээгүй. МҮХАҮТ-ын судалгаагаар 400 мянган иргэн цалингаа авч чадаагүй, ажлын байр хомсдсон гэсэн судалгаа гаргасан.

Тиймээс дээрх хэрэгжүүлсэн арга хэмжээний хүрээнд У.Хүрэлсүхэд асуулга хүргүүлсэн.

Асуулгын хариу ирсэн байна. Асуулгад 2020 онд 2.4 их наядын дэмжлэг үзүүлээд байна гэжээ.

Үлдсэн 2.7 их наяд төгрөг яасан юм. Эрх баригчид ийм хэмжээний мөнгө хулгайлж, сонгуульдаа зарцуулсан байна" гэлээ.

Б.Лхам