Долоо хоног болгон “Billboard” сэтгүүлээс эрхлэн гаргадаг “Billboard hot 100” жагсаалтын энэ долоо хоногийн шилдэг арван байрыг Америк гаралтай дуучин, ая зохиогч Taylor Swift ганцаараа тэргүүлж байна.

Тодруулбал түүний “Anti-Hero” дуу жагсаалтыг тэргүүлж байгаа бол “Lavender Haze”, “Maroon” зэрэг уран бүтээлүүд удаах байруудад жагсжээ. Эдгээр 10 дуунууд нь бүгд шинэхэн цомог болох “Midnight”-ынх нь дуунууд юм.

Энэхүү үйл явдал нь тус сэтгүүлийн 64 жилийн түүхэнд анх удаа тохиож буй бөгөөд 2021 оны есдүгээр сард Канад гаралтай реппер Drake-ийн уран бүтээлүүд уг жагсаалтын эхний есөн байрыг ганцаараа тэргүүлж байсан түүхтэй. Судлаачдын үзэж буйгаар Taylor Swift-ийн энэ амжилтыг эвдэх уран бүтээлч ойрын 10 жилдээ гарахгүй бололтой.

Тэрээр 1989 оны арванхоёрдугаар сарын 13-нд Америк улсын Пеннсилвани мужид төрсөн. Түүний эцэг нь санхүүгийн зөвлөх байсан бол, эх нь гэртээ суудаг нэгэн байжээ. Гэлэнмаа нарын сургуульд суралцаж байсан тэрээр анх есөн настайгаасаа мюзикл театрт сонирхолтой гэдгээ мэдэж, Беркийн залуучуудын театрт тоглож эхэлсэн нь түүний өнөөдрийн амжилтийн суурийг тавьсан гэж хэлж болно. 12 настайд нь компьютер засварчин, хөгжимчин эр түүнд гитар тоглохыг зааж, дуу зохиоход нь туслан анхны дуу болох "Lucky you"-г  бичилцжээ.

Дашрамд дурдахад түүний энэхүү амжилт дараагийн долоо хоногт ч хадгалагдаж магадгүй байна. Учир нь түүний “Mastermind”, “Sweet Nothing”, “Labyrinth” зэрэг бүтээлүүд 13, 14, 15 дугаар байруудаас ахих төлөв ажиглагдаж буй юм.

Л.Сайнаа