Мөрдөгч тал бүрээс нь баримтыг бүрэн бодитой цуглуулах, бэхжүүлэх үүргээ гүйцэтгэсэн бол энэ асуудал дахин дахин яригдахгүй. 

Хөгжлийн банкны хуулийн шинэчлэн найруулах болсон гол шалтгаан, гол үзэл баримтлал нь Монгол улсын хөгжлийн банкыг хууль тогтоох болон гүйцэтгэх эрх мэдлээс ангид байлгаж, хараат бусаар зөвхөн энэ банкны жишгээр ажиллах эрх зүйн орчныг бүрдүүлэх зорилготой.

Засгийн газрын тогтоолуудыг судалж үзэхэд ямар нэгэн даалгасан шинжтэй, Монгол улсын Хөгжлийн банкнаас зайлшгүй санхүүжүүлэх гэсэн даалгасан үг үсэг байдаггүй. Хөгжлийн баноны эх үүсвэрээр санхүүжүүлэхийг холбогдох албан тушаалтанд зөвшөөрсөн л өгүүлбэр байдаг.

Засгийн тогтоолтой ч гэсэн Хөгжлийн банкны тухай хууль болон дүрэм журамд заасан шаардлагыг хангасан байх ёстой. Тухайн үед Засгийн газрын тэргүүнээр ажиллаж байсан Ч.Сайханбилэг гэгч удаа дараа өрөөндөө дуудаж тус төсөл хөтөлбрийг зайлшгүй санхүүжүүл үүрэг чиглэл өгч байсан учраас уг төсөл хөтөлбөрт санхүүжилт олгосон гэж ярьдаг. Хөгжлийн банкны шинэ хууль хүчин төгөлдөр үйлчилж байх хугацаанд төсөл хөтөлбрүүдийн дийлэнх нь буюу 17 төсөл хөтөлбөр санхүүжүүлэх эсэх асуудлыг шийдвэрлэсэн байдаг. 

Өмгөөлөгчийн дүгнэлт. Прокурор нар эрүүгийн хэрэг хянан шийдврлэх тухай хуулийн зорилт, Хөгжлийн банкны тухай хуулийн зорилтын тухай тайлбарлаж, хуулийн зорилтыг хангаагүй гэсэн байр сууриа илэрхийлсэн.

Харин Засгийн газрын зорилтын талаар огт дурдахгүй өнгөрч байгаа нь Засгийн газрын бодлогыг үгүйсгэсэн үйлдэл хийж байна. Мөн прокурор н.Бүжинлхам, Б.Ганбулган нарын хийсэн дүгнэлт нь хэргийн бодит байдалтай огт нийцэхгүй байгаа юм. Мөн дээр дурдсан нотлох баримтаас бусад бидний гаргасан баримтыг үгүйсгэж няцаагаагүй нь хүлээн зөвшөөрч байгаагаа илэрхийлсэн гэж үзэж байна.

Үүнд, хэрэг бүртгэлтийн хэрэг нээгээгүй гэх үндэслэл бий.

Эрүүгийн хуулийг буруу төсөөтэй хэрэглэж, эрүүгийн хэрэг хянан шийдвэрлэх тухай хуулийг ноцтой зөрчснийг зориуд гэх юм уу, төөрөгдүүлэх, мушгих байдлаар тайлбар хийж хуульчийн ёс зүйд нийцэхгүй үйлдэл гаргаад байгаа юм.

Хөгжлийн банкны тухай хууль 2017 онд шинэчлэн батлагдснаар чанаргүй зээл бий болсон гэдэг нь Засгийн газрын бондын зөвлөлийн үүрэг, ач холбогдол маш чухал байсан гэдгийг нотлох үйл явдал болоод байна. Н.Алтанхуяг гишүүний гэрчээр өгсөн мэдүүлгийг ашиглах байдлаар Батбаяр гишүүнийг буруутгах нэг нотлох баримтыг дурдсан. Хэрэв эсрэг сонирхол бий болж байгаа бол заавал өмгөөлөгч авах хууль зүйн шаардлага гараад байгаа юм биш үү гэж харагдаад байгаа юм.

Иймээс өмгөөлөгчид бидний хувьд хууль зүйн эхний дүгнэлтээ бүрэн дэмжиж, УИХ-ын гишүүн Н.Алтанхуягийг гэмт хэргийн шинжгүй гэх үндэслэлээр цагаатгаж өгнө үү гэж шүүхээс хүсэж байна.

М.Дэвээ