БАРИМТ 1
Бор шувууг хамгаалах дэлхийн өдөр жил бүр 3-р сарын 20-нд тэмдэглэгддэг.
БАРИМТ 2
Энэ өдрийг 2010 онд Энэтхэгийн Nature Forever Society болон Францын Eco-Sys Action Foundation хамтран санаачилж эхлүүлсэн бөгөөд удалгүй олон улсад тэмдэглэх болсон.
БАРИМТ 3
Уг өдөр нь бор шувуудын тоо толгой буурч буй шалтгаан, үр дагаврыг ойлгуулахын зэрэгцээ хамгааллын үйл ажиллагааг эрчимжүүлэх зорилготой юм.
БАРИМТ 4
Бор шувуу олон газарт цөөрч буй шалтгаанд амьдрах орчны алдагдал, хотжилт, орчны бохирдол, хоол тэжээлийн нөөцийн багасалт зэрэг хүчин зүйлс нөлөөлдөг.
БАРИМТ 5
Passer domesticus төрөл нь хүнтэй хамгийн ойр амьдардаг, дэлхий даяар хамгийн түгээмэл тархсан бор шувуудын нэг юм.
БАРИМТ 6
Энэ шувуу Passeridae овогт багтдаг бөгөөд анх Европ, Ази, Хойд Африкаас гаралтай ч одоо дэлхийн олон бүс нутагт тархсан байдаг.
БАРИМТ 7
Бор шувуу нь үр, жижиг ургамлын хэсэг, шавьж зэргээр хооллодог учраас байгалийн хоол тэжээлийн сүлжээнд чухал байр суурь эзэлдэг.
БАРИМТ 8
Дэгдээхэйгээ өсгөх үедээ бор шувууд уураг ихтэй шавьж голчлон тээж ирдэг нь тэдний экологийн үүргийг улам чухал болгодог.
БАРИМТ 9
Бор шувууд нь мэрэгч болон бусад жижиг амьтдын тоо толгойг зохицуулснаар экосистемийн тэнцвэрийг хадгалахад онцгой үүрэг гүйцэтгэдэг “дээд шатны анчид” билээ.
БАРИМТ 10
Тиймээс тэдний тоо толгой буурах нь байгаль орчны доройтол, амьдрах орчны хомсдол, химийн бохирдол нэмэгдэж буйн нэгэн дохио гэж судлаачид үздэг.
БАРИМТ 11
Монгол Улс нь бор шувуудын амьдрах таатай орчныг хадгалсан цөөн орны нэгт тооцогддог.
БАРИМТ 12
Энэтхэгийн байгаль хамгаалагч Мохаммед Дилавар бор шувуу хамгаалах үйлсийг олон улсад таниулахад чухал үүрэг гүйцэтгэсэн хүн гэж үздэг.
БАРИМТ 13
Бор шувуу тоос шороонд хөрвөөж өдөө цэвэрлэх зан үйлтэй бөгөөд энэ нь тэдний бие арчилгааны сонирхолтой хэлбэрийн нэг юм.
БАРИМТ 14
Эр бор шувуу нь ихэвчлэн хар, саарал, хүрэн өнгийн тод ялгарах шинжтэй байдаг бол эм нь арай бүдэг, бордуу өнгөтэй байдаг.
БАРИМТ 15
1863 оноос эхлэн гэрийн бор шувууг Америк, Африкийн зарим хэсэг, Австрали, Шинэ Зеландад нутагшуулж эхэлсэн бөгөөд энэ нь түүнийг дэлхийн хамгийн өргөн тархсан хотын шувуу болоход нөлөөлсөн юм.
БАРИМТ 16
2012 онд Байгаль хамгаалах нийгэмлэгийн хүчин чармайлтын тусламжтайгаар гэрийн бор шувуу Дели хотын бэлгэдэл шувуу болсон.
БАРИМТ 17
1958 онд Хятадын засгийн газраас “Дөрвөн хортон”-той тэмцэх аяныг эхлүүлсэн ба дотор нь бор шувууг /бусад гурав нь шумуул, ялаа, харх/ ч устгах шийдвэр багтсан нь эцэстээ асар их гай зовлонд хөтөлжээ.
БАРИМТ 18
Тэд бор шувууг үр тарианы дайсан гэж үзэн бүх нийтээрээ түүнийг устгах дайнд мордон, үргээх, чавхдах, буудах, урхидах зэргээр хэдэн зуун сая бор шувууг устгасан юм.
БАРИМТ 19
1960 он гэхэд тэд буруутсанаа ойлгож эхэлсэн.
БАРИМТ 20
Бор шувуу үр тарианаас гадна, маш олон төрлийн шавьжийг устгадаг байсан бөгөөд бор шувуугүй болсноор ургац алдаж, ойн сан буурч, хэт их хортон шавьжийн хор ашигласнаас 1958-1961 оны “Хятадын их өлсгөлөн” нүүрлэж 30 сая гаруй хүн амиа алдсаны дараа ЗХУ-аас бор шувуу авчран нутагшуулж байжээ.
БАРИМТ 21
Манай оронд Боршувуутан (Passerines) багт хамаарах 24 овгийн 81 төрлийн 220 зүйл шувуу байдаг бөгөөд тэдгээрээс Гоошувууны овгийн Боршувуу (Sparrow) төрлийн 3 зүйл боршувуу (Оронгийн боршувуу, хээрийн боршувуу, загийн боршувуу) байдаг.
БАРИМТ 22
Эдгээр 3 зүйл боршувуунаас хамгийн түгээмэл 2 зүйл нь (оронгийн боршувуу, хээрийн боршувуу) бидний хамгийн сайн мэдэх хотын маань бор өнгөтэй болжморууд юм.
БАРИМТ 23
Харин үлдсэн 1 зүйл боршувуу (загийн боршувуу) нь хот суурин газарт бус манай орны зөвхөн говь, цөлийн нутагт амьдардаг байна.
БАРИМТ 24
Бор шувууд бол байгалийн тэнцвэрийг хадгалагч “харуулууд”. Тэднийг хамгаална гэдэг нь зөвхөн нэг зүйлийг биш, бүхэл бүтэн экосистемийг хамгаалж буй хэрэг юм.
Сэтгэгдэл (8)