БАРИМТ 1
2001 оны тавдугаар сарын 27-нд төрсөн. 23 настай.
БАРИМТ 2
Баянхонгор аймгийн Өлзийт сумын харьяат.
БАРИМТ 3
2019 онд Улаанбаатар хотноо болсон 23 хүртэлх насны чөлөөт бөхийн Ази тивийн аварга шалгаруулах тэмцээний 57 кг-ын жинд алтан медаль хүртсэн . Улмаар 2020 онд Японы Токио хотноо болох зуны олимпод Монгол Улсаа төлөөлөн оролцох болзлыг хангасан юм.
БАРИМТ 4
2020 оны Токиогийн олимпод тэр шагналт тавдугаар байр эзэлж байв. Хоёр дахь олимпдоо оролцож байгаа нь энэ.
БАРИМТ 5
Иван Ярыгины Алтан Гранпри тэмцээний алт, хүрэл медалтай.
БАРИМТ 6
Өсвөрийн ААШТ-ий мөнгө, хүрэл, ДАШТ-ий хүрэл медальтай.
БАРИМТ 7
2022 оны насанд хүрэгчдийн ААШТ-ий хүрэл медальтай.
БАРИМТ 8
Бөхийн эрдэм заасан багш нь Баянхонгор аймгийн БТСГ, “Байдрагийн хүчтэн” дэвжээний дасгалжуулагч Совдын Мөнхдуулдах юм.
БАРИМТ 9
"Токио-2020" зуны олимпын XXXII наадмын чөлөөт бөхийн тэмцээний эмэгтэйчүүдийн 57 кг-д хүчээ сорьсон Б.Хонгорзул Токиогийн олимпын хүрэл медалийн төлөө олимпын аварга, АНУ-ын бөх Хелен Мароулистай барилдаж ялагдаж байв.
БАРИМТ 10
Энэ удаагийн олимпын эрх олгох тэмцээнүүдээс эрхээ аваагүй түүнд аз тохиосон юм. Олон улсын олимпын хорооноос Орос, Беларусын тамирчдын талаар гаргасан шийдвэртэй холбоотойгоор чансаа өндөр тамирчдыг олимпод татахаар болсон нь манай бөх Б.Хонгор зул билээ.
Сэтгэгдэл (3)