БАРИМТ 1
1993 онд Америкийн Флорида мужийн Орландо хотоос төрөн гарсан поп хөгжмийн хамтлаг юм.
БАРИМТ 2
Хамтлаг Брайан Литтрелл, Ник Картер, Хоуи Дороу, Эй Жей Маклин болон Кевин Ричардсон нарын 13-20 орчим насны залуучуудын бүрэлдэхүүнтэйгээр гараагаа эхэлжээ.
БАРИМТ 3
Backstreet Boys (1996), Backstreet's Back (1997) цомгуудаараа хөгжмийн ертөнцөд цахиур хагалсан түүхтэй. Харин Millennium (1999), түүний дараагийн Black & Blue (2000) цомгууд нь хамтлагийн нэр хүндийг маш өндөрт өргөж өгсөн юм.
БАРИМТ 4
Гурван жил уран бүтээлээсээ завсарлага авсаныхаа дараа Бэкстрит Бойз гурван цомгийг хөгжим сонирхогч залуустаа Never Gone (2005), Unbreakable (2007) болон This Is Us (2009) нэртэйгээр хүргэсэн билээ.
БАРИМТ 5
2006 онд хамтлагийн гишүүн загвар өмсөгч, хөгжмийн зохиолч Кевин Ричардсон хамтлагаа орхиж, хамтлаг үндсэн дөрвөн хүний бүрэлдэхүүнтэйгээр дээрх Unbreakable, This Is Us цомгуудаа гаргасан юм. Ричардсон 2012 онд хамтлагтаа бүрмөсөн дахин нэгдсэн.
БАРИМТ 6
Хамтлаг дэлхий даяар 130 сая хувь цомгийг борлуулсан амжилтаараа бүх цаг үеийн түүхэнд хамтлагуудын хувьд шилдэг амжилтыг тогтоосон бөгөөд анхны долоон цомог нь бүгд борлуулалтаараа "Billboard 200" жагсаалтын эхний 10-т багтсан нь Английн алдарт «Шадей» хамтлагаас хойших анхны тохиолдол болж байлаа.
БАРИМТ 7
2013 онд тэд 20 жилийн ойгоо тэмдэглэж, анхны бие даасан цомог болох "In a World Like This" цомгоо гаргасан. Тэдний дараагийн цомог болох 2019 оны "DNA" нь амжилттай байлаа.
БАРИМТ 8
Тэд мөн АНУ-ын цомгийн жагсаалтыг гучин жилийн хугацаанд ноёлсон анхны хөвгүүдийн хамтлаг болсон. 2022 онд тэд анхны зул сарын цомог болох "A Very Backstreet Christmas" цомгоо гаргажээ.
БАРИМТ 9
Тэд 2023 оны дөрөвдүгээр сарын 20-нд 30 жилийн ойгоо тэмдэглэсэн.
БАРИМТ 10
Тэд 2015 оны нэгдүгээр сард "Backstreet Boys: Show 'Em What You're Made Of " нэртэй баримтат кино хийжээ. 2017 оны гуравдугаар сард тус хамтлаг Лас Вегаст "Backstreet Boys" нэртэй хоёр жил үргэлжлэх концертын ажлаа эхлүүлсэн.
БАРИМТ 11
Эй Жей Маклин, Хоуи Дороу нар Флоридагийн Орландо хотын уугуул иргэд байв. тэд хүрээллээрээ дамжуулан нэгнээ олж удалгүй Ник Картертай танилцжээ. Хоорондоо зохицож чадна гэдгээ мэдсэн тэд гурвуул хамтлаг байгуулахаар шийдсэн гэдэг.
БАРИМТ 12
Кентакки мужийн Лексингтон хотоос гаралтай Кевин Ричардсон, Брайан Литрелл нар үеэлүүд билээ. Тэд хүүхэд байхдаа орон нутгийн сүмийн найрал дуу, наадамд дуулдаг байжээ. Ричардсон 1990 онд Орландо руу нүүж, "Walt Disney World"-д ажиллаж, шөнийн цагаар дуу хөгжим оролдож эхэлсэн. Тэдний нэгнээ олсон түүхийн эхлэл энэ аж.
БАРИМТ 13
Backstreet Boys хамтлаг 1993 оны тавдугаар сарын 08-нд "SeaWorld Orlando"- д анхны тоглолтоо хийж байв. Дараа нь тэд 1993 оны зун Флоридагийн Форт Лодердейл дахь худалдааны төв, ресторанаас эхлээд олон төрлийн буяны гала тоглолтуудад ая дуугаа өргөж эхэлсэн.
БАРИМТ 14
1994 оны хоёрдугаар сард тэр үеийн "A&R Zomba/JIVE Records"-ийн дэд захирал байсан Жефф Фенстер болон "Zomba Music Publishing"-ийн ахлах байсан Дэвид Рензер нар тэднийг Кливленд ахлах сургуульд тоглолт хийж байхыг хараад гэрээ байгуулахаар шийдсэн нь хамтлагийнхны хувьд том боломж байлаа.
БАРИМТ 15
1994 оны 12 дугаар сарын сүүлээр тус хамтлаг Макс Мартин, Денниз ПоП нартай хамтран " We've Got It Goin' On " дуугаа бичүүлэхээр Швед рүү ниссэн бөгөөд энэ нь тэдний анхны сингл болсон. "We've Got It Goin' On" дууг 1995 оны наймдугаар сард радио руу илгээж, 1995 оны есдүгээр сарын 05-нд биет сингл хэлбэрээр гаргасан.
БАРИМТ 16
Тэдний алдар нэр Европт өссөн. "I'll Never Break Your Heart" цомог нь Германд 250 мянган хувь борлогдож, Алтан зэрэглэлд хүрч байв. Уг амжилт өссөөр 1996 онд Германд 500 ямнган ширхэг борлогдож байсан түүхтэй.
БАРИМТ 17
Тус хамтлаг 2019 оны байдлаар Грэмми шагналд есөн номинацид нэр дэвшээд байна.
БАРИМТ 18
Мөн Америкийн хөгжмийн шагнал гардуулах ёслолоос хоёр удаа, "Billboard Music Awards"-аас таван удаа, "MTV Video Music Awards"-аас хоёр удаа, "Juno Award" -аас болон бусад олон ёслолоос шагнал хүртжээ.
БАРИМТ 19
Тэд буяны үйлсэд мөнгө хайрладаггүй. 2022 оны дөрөвдүгээр сарын 06-нд тэд 25 мянган долларыг "First Day of School" хэмээх залуу хамтлагт хандивлав. Тэд тус тусдаа буяны байгууллагуудад хандив өргөдөг.
БАРИМТ 20
Тэд 2025 оны дөрөвдүгээр сарын 25-27-нд АНУ-ын Калифорни мужийн Риверсайд тойргийн Колорадо цөлийн Өмнөд Калифорнийн Коачелла хөндийд байдаг Индиа хотод тоглолтоо хийнэ. Үүний дараагаар Монголд ирэх юм.
Сэтгэгдэл (7)