Монгол Улсын Ерөнхийлөгч Ухнаагийн Хүрэлсүхийн урилгаар Бүгд Найрамдах Австри Улсын Ерөнхийлөгч Александр Ван дер Беллен манай улсад төрийн айлчлал хийж буй. Үүнтэй холбогдуулан Австрийн зарим үзэсгэлэнт газруудыг хүргэж байна.
Австрийн нийслэл Вена хот нь сонгодог хөгжим болоод урлагийн төв, барокко стилийн архитектурын төв байсаар иржээ. Улсын дуурийн театрт Венийн филармонийн тоглолт үзэх, Дунай мөрний эрэг дагуу далайн аялал хийж, Бурггартен эсвэл Дона Ауэн үндэсний цэцэрлэгт хүрээлэнгээр зугаалахыг хүсвэл энэ улсыг зорих нь.
Австрийн төв хэсэгт байрлах, нэрт хөгжмийн зохиолч Моцартын төрсөн нутаг болох Зальцбург хотыг ч зорьж болох юм. Салзах голын эрэг дагуу орших энэ хот нь Альпийн нурууны үзэсгэлэнт уулсын дунд оршдог гайхамшит хот ажээ. Түүнчлэн сүр жавхлантайгаар Фестунгсберг толгод дээр орших дундад зууны үеийн Хохенсалцбургийн цайзыг ч харж болох юм.
Цаашлаад сүр бараат уулс хийгээд нууруудын нутаг Салцкаммергут хот нь аялагчдын сонирхлыг ихэд татдаг гэгдэнэ. Үлгэрийн мэт гайхагдах Халлстатт дахь фуникуляр төмөр замд сууж, уулын хөндийгөөр дамжин Hallstatt Skywalk тавцан руу очиход дуу алдам байгаль хүлээн авах аж.
Зохиол бүтээлээс зэрвэсхэн уншиж байсан зарим голууд Австрит өнгө нэмээд урсаж байдаг нь сонирхом юм шүү. Инн голын эрэгт орших Инсбрукийг ч бас аялагчдад санал болгодог аж. Авсри улс бол уулчид, аялалд дуртай хэний ч очиж үзэх ёстой тэр л газар аж. Сүм, хааны ордон гээд үзэх зүйл элбэгтэй аж. Нэг нь Мур мөрний эрэгт байрлах Грац хот юнескод бүртгэгдсэн Эггенбергийн ордон, алдарт Арнольд Шварцнеггерийн бага насаа өнгөрөөсөн байшин байдаг.
Цаашилбал Салзахийн хөндийн Брукаас Австрийн хамгийн өндөр уул болох Гроссглокнер руу хөтлөх үзэсгэлэнт газрууд ч бий. Мөн Зелл Ам Зе бол Австрийн хамгийн үзэсгэлэнтэй газруудын нэг аж. Алдарт хонхны цамхаг бүхий Гэгээн Ипполитын сүм ч тэнд бий.
Ингээд Дунай мөрний Дюрнштейн жижиг хот нь Австри улсад аялагчдын зорин очих хамгийн тохиромжтой газруудын нэг юм. Тэнд Riesling болон Grüner Veltliner усан үзмийг тариалдаг байна. Дундад зууны үеийн Дюрнштейн хотод зочлох нь олон адал явдлын эхлэл байх зам ч бий аж. Дугуйгаар замыг туулан, гатлага онгоцоор зорьсон газраа хүрэх... Яг л зохиол шиг уншигдах тийм адал явдал Австри улсад бий гэнэ. Явган аялал, цаначдын мөрөөдлийн газар Ворарлберг хот ч тэнд бий.
