Монгол Улсын Компанийн тухай хууль, Монгол Улсын Засгийн газрын 2023 оны 85 дугаар тогтоолоор батлагдсан “Төрийн өмчит компанийн төлөөлөн удирдах зөвлөлийн хараат бус гишүүнийг сонгон шалгаруулах нийтлэг журам”-ыг тус тус үндэслэн “Төрийн үнэт цаас хэвлэл” ТӨДХХК-ийн Төлөөлөн удирдах зөвлөлийн Хараат бус гишүүний 3 (гурав) орон тоонд сонгон шалгаруулалт зарлаж байна.

1. Хараат бус гишүүнд нэр дэвшигчид тавигдах шаардлага:

1.1. Нийтлэг шаардлага:

Хараат бус гишүүнд нэр дэвшигч нь Монгол Улсын иргэн байх бөгөөд Компанийн тухай хуулийн 79.1-д зааснаас гадна дараах нийтлэг шаардлагыг хангасан байна. Үүнд:

1. 1. Эрүүгийн хуульд заасан эдийн засаг, авлига, өмчийн эсрэг гэмт хэрэгт шүүхийн шийдвэрээр гэм буруутай нь тогтоогдож ял шийтгэл эдлээгүй; /ял шийтгэлгүй байх/
   2. Сүүлийн 4 (дөрөв) жил улс төрийн намын ажилтан, сонгуульт, удирдах албан тушаал хашаагүй, эсхүл улс төрийн албан хаагчаар ажиллаагүй;
   3. Эрх бүхий албан тушаалтнаар ажиллаж байх хугацаанд хуулийн этгээд нь дампуурсан, төлбөрийн чадваргүй болсон нь түүнээс аливаа хэлбэрээр шалтгаалаагүй нь нотлогдсон;
   4. Тухайн компани, эсхүл түүний хараат болон охин компанитай нэгдмэл сонирхолтой болон компанийн үйл ажиллагаанд оролцогч талууд (зээлдүүлэгч, хувь нийлүүлэгч, хувьцааны багцыг эзэмшигч, хамтран ажиллагч г.м)-ын ашиг сонирхлыг төлөөлдөггүй байх;
   5. Тухайн компанийн Төлөөлөн удирдах зөвлөлийн бусад гишүүн, гүйцэтгэх удирдлагын багийн гишүүн болон хяналтын багц эзэмшигчтэй нэгдмэл сонирхолтой этгээд биш, эсхүл тэдгээртэй төрөл, садны холбоогүй;
   6. Тухайн компанийн томоохон харилцагчийн хяналтын багц эзэмшигч, эрх бүхий албан тушаалтан биш байх (нэг жилд тухайн харилцагчтай хийсэн хэлцлийн нийт дүн нь компанийн нийт активын 10-аас дээш хувьтай тэнцэж байвал “томоохон харилцагч” гэж үзнэ);
   7. Нэр дэвшигч өөрөө, эсхүл түүнтэй нэгдмэл сонирхолтой этгээд нь тухайн компанийн Төлөөлөн удирдах зөвлөлд бие дааж нэр дэвшүүлэх эрх олгохуйц хувьцааны багцыг эзэмшдэггүй;
   8. Өөрөө, эсхүл эхнэр, нөхөр, эцэг, эх, хүүхэд, төрсөн ах, эгч, дүү болон тэдгээртэй нэгдмэл сонирхолтой этгээд нь сүүлийн 3 (гурав) жилийн хугацаанд тухайн компанид, эсхүл түүний хараат болон охин компанид эрх бүхий албан тушаал эрхэлж байгаагүй;
   9. Тодорхой албан тушаал эрхлэх буюу үйл ажиллагаа явуулах эрхийг нь шүүхийн шийдвэрээр хассан, Эрүүгийн хуульд заасан гэмт хэрэг үйлдэж шүүхээс ял шийтгүүлээгүй байх;
   10. Тухайн салбарын төрийн өмчит, эсхүл хувийн өмчийн хуулийн этгээдийн Төлөөлөн удирдах зөвлөлийн гишүүнээр ажиллаагүй байх.

1.2.Тусгай шаардлага:

1. Боловсрол: Бакалавр болон түүнээс дээш зэрэгтэй;
2. Хараат бус 3 гишүүнд дараах мэргэжлийн тус бүр 1 иргэнийг сонгоно. Үүнд:
   1. Мэргэжил: Бизнесийн удирдлага-1,
   2. Мэргэжил: Эрх зүйч-1,
   3. Мэргэжил:Хэвлэлийн үйлдвэрлэлийн технологи эсвэл Мэдээллийн технологи-1;
3. Туршлага: Мэргэжлээрээ 8 /найм/-аас доошгүй жил ажилласан байх;
4. Компанийн засаглалын сургалтад хамрагдаж гэрчилгээ авсан байх;

1. 1. Давуу тал::

1. 1. 1. Хэвлэлийн технологийн салбарын талаар зохих мэдлэг, туршлагатай байх, санхүү, нягтлан бодогч, менежмент, маркетинг, эрх зүйч, хэвлэлийн үйлдвэрлэлийн технологи, мэдээллийн технологийн мэргэжлээр болон компанийн засаглалын чиглэлээр мэргэшсэн бол давуу тал болно.

1. Бүрдүүлэх материал

1. Сонгон шалгаруулалтад оролцох хүсэлт;
2. Анкет (төрийн албан хаагчийн анкетыг бүрэн бөглөх, сүүлийн 6 сар дотор авахуулсан 4х6 хэмжээтэй цээж зураг наасан байх);
3. Нийгмийн даатгалын шимтгэл төлөлтийн талаарх тодорхойлолт (И-Монголиа цахим системээс авах);
4. Боловсролын диплом, үнэмлэх, бусад сургалт, семинарт хамрагдсан гэрчилгээ, сертификат (И-Монголиа цахим систем эсхүл нотариатаар гэрчлүүлсэн хуулбар);
5. Шүүхийн хүчин төгөлдөр шийдвэрээр ял шийтгүүлж байсан эсэх лавлагаа (И-Монголиагаас);
6. Банк, санхүүгийн байгууллагын хугацаа хэтэрсэн өр төлбөргүй тухай лавлагаа (И-Монголиа цахим системээс авах);
7. Компанийн хараат бус гишүүнд тавигдах тусгай болон нийтлэг шаардлагад нийцэж буйгаа нотлох холбогдох материалууд.

1. Сонгон шалгаруулалтын материал хүлээн авах хугацаа, газар
   1. Сонгон шалгаруулалтад орох иргэний битүүмжилсэн материалыг дараах цаг, хугацаа, хаягт хүлээн авна. Үүнд:

1. 1. Хүлээн авах өдөр, цаг: Даваа-Баасан гарагт, 08:00-17:00 цаг,
   2. Хүлээн авах хугацаа: 2025.09.04-2025.09.17
   3. Хүлээн авах хаяг: Монгол Улс, Улаанбаатар хот, Сүхбаатар дүүрэг, Цагдаагийн гудамж, 11 дүгээр хороо, Улсын бүртгэлийн ерөнхий газрын байр, 5 давхарт, 506 тоот.
   4. Холбоо барих утас: (11-320765) /Ажлын хэсгийн нарийн бичгийн дарга Д.Амармөнх/

1.  Анхаарах зүйлс:

1. Баримт бичгийг битүүмжилсэн байх ба дугтуйны гадна талд “Төрийн үнэт цаас хэвлэл ТӨДХХК-ийн Төлөөлөн удирдах зөвлөлийн Хараат бус гишүүдийн сонгон шалгаруулалтыг зохион байгуулах ажлын хэсэг”-т гэж хаяглан, холбоо барих утасны дугаарыг гаргацтай бичнэ.
2. Нэг дугтуйнд зөвхөн 1 сонгон шалгаруулалтын баримт бичгийг хийж ирүүлнэ.
3. Сонгон шалгаруулалтад иргэнээс ирүүлсэн баримт бичиг нь шаардлага хангаагүй, эсвэл тухайн иргэн шалгараагүй тохиолдолд ирүүлсэн баримт бичгийг буцаан олгохгүй, мөн тус иргэнд шалгараагүй тухай мэдэгдэх үүрэг хүлээхгүй болно.
4. Хугацаа хоцорсон баримт бичгийг хүлээн авахаас татгалзана.
5. Mатериал хүлээж авсантай холбоотой Улсын бүртгэлийн ерөнхий газар, Төрийн үнэт цаас хэвлэл ТӨДХХК нь ямар нэгэн үүрэг, хариуцлага хүлээхгүй болно. 
6. Зөвхөн сонгон шалгаруулалтын шаардлага хангасан иргэнтэй холбоо барина.

“ТӨРИЙН ҮНЭТ ЦААС ХЭВЛЭЛ” ТӨДХХК-ИЙН ТӨЛӨӨЛӨН УДИРДАХ ЗӨВЛӨЛИЙН ХАРААТ БУС ГИШҮҮДИЙН СОНГОН ШАЛГАРУУЛАЛТЫГ ЗОХИОН БАЙГУУЛАХ

 АЖЛЫН ХЭСЭГ