Өнгөрөгч ням гарагт болсон Унгарын парламентын сонгууль нь коммунист дэглэмээс хойших хамгийн өндөр ирцтэй сонгууль боллоо. Тус улсын Сонгуулийн хорооны мэдээлснээр, санал өгөх эрхтэй иргэдийн 78 хувь нь сонгуульд оролцжээ. 

Эцсийн дүнгээр Унгарын Ерөнхий сайдын албыг тасралтгүй 16 жил удирдаж байгаа Виктор Орбан ялагдсан түүхэн үр дүн болов. н засаглалаа дуусгав. Тэрбээр сонгуульд хол тасархай ялалт байгуулсан сөрөг хүчний "Тиса" намын удирдагч Петер Магярт баяр хүргэж, сонгуулийн үр дүнг хүлээн зөвшөөрсөн байна. 

Сонгуулийн албаныхны мэдээлснээр саналын 98 хувийг тоолсны дараа Магярын Тиса нам парламентын суудлын гуравны хоёрыг авч үнэмлэхүй ялалт байгуулсан нь тодорхой болжээ. Олон хүн түүнийг Орбаны хийсэн маргаантай өөрчлөлтүүдийн заримыг буцааж чадна гэж найдаж байна.

Магярын үнэмлэхүй ялалт Европын бусад удирдагчдад тайвшрал авчрах төлөвтэй. Орбан Европын Холбооны бодлогод байнга саад болж ирсэн нэгэн байсан. Харин энэ нь АНУ-ын Ерөнхийлөгч Доналд Трампт цохилт болох юм. Тэрээр сонгуулийн үеэр үндсэрхэг үзэлт, Орост ээлтэй бодлого явуулдаг Орбаныг дэмжиж байсан.

Энэ сонгуулийг Унгар болон Европын ирээдүйд чухал нөлөөтэй гэж үзсэн тул сонгогчдын ирц түүхэн өндөр байсан гэж мэдээлэв. Орбаны ялагдал нь Владимир Путинд цохилт болж байна.

Л.Баяр