Японы Айти болон Нагоя хотуудад ирэх 9 дүгээр сарын 19-нөөс 10 дугаар сарын 4-ний хооронд зохион байгуулагдах 20 дахь удаагийн Азийн наадам хаяанд ирлээ. Энэ удаагийн наадамд манай улсаас спортын 31 төрөлд 303 тамирчин оролцохоор мэдүүлгээ өгөөд байгаа бөгөөд энэ нь өмнөх Азийн наадмаас даруй 100 орчим тамирчнаар цөөн бүрэлдэхүүн юм. Өмнөх наадамд Монгол улс 2 алт, 5 мөнгө, 13 хүрэл медаль хүртэж, 45 орноос 22-р байранд жагсаж байсан бол энэ удаад цомхон ч чанартай баг илгээж, уламжлалт төрлүүдээс гадна шинэ спортын төрлүүдэд амжилт үзүүлэхээр төлөвлөж байна. 1xBet Монголоос манай баг тамирчдын гол боломжуудыг дүгнэн танилцуулж байна.
Монголын багийн медалийн чанар голчлон чөлөөт бөх болон жүдо бөхөөс шалтгаална. Чөлөөт бөхийн төрөлд өмнөх Азийн наадмын аварга, Азийн аварга шалгаруулах тэмцээний гурван удаагийн мөнгөн медальт, саяхан "Улаанбаатар Опен" тэмцээнд түрүүлсэн Төмөр-Очирын Тулга болон Азийн АШТ-ий мөнгөн медальт Батхуягийн Мөнх-Эрдэнэ нар алтан медалийн төлөө хүч үзэх гол тамирчдаар нэрлэгдэж байна. Эмэгтэй чөлөөт бөхийн багийн хувьд саяхан болсон Азийн АШТ-ээс таван тамирчин медаль хүртсэний дотор Энх-Амарын Даваанасан алтан медаль авсан нь Азийн наадмын өмнөх том дохио боллоо.
Жүдо бөхийн шигшээ баг өмнөх Азийн наадамд 2 мөнгө, 4 хүрэл медаль хүртэж байсан бол энэ удаа Азийн АШТ-д 3 алт, 1 мөнгө, 2 хүрэл медаль авч багаараа тэргүүлсэн амжилтаа бататган, алтан медалийн оосорноос атгах зорилготой байна. Эмэгтэйчүүдийн 63 кг-ын жинд дэлхийн чансааны хоёрт эрэмблэгдэж буй 27 настай Лхагватогоогийн Энхрийлэн тэмцээний гол тамирчнаар нэрлэгдэж байна. Түүнчлэн боксын төрөлд манай шигшээ баг сүүлийн хоёр Азийн наадмаас нийт гурван медаль хүртсэн амжилтаа үргэлжлүүлж, дахин медалийн төлөө өрсөлдөх хүлээлттэй байна.
"Айчи-Нагояа 2026" Азийн наадмын хөтөлбөрт холимог тулаан (MMA) анх удаа албан ёсоор багтаж байгаа нь манай тамирчдад медалийн тоогоо ахиулах шинэ боломжийг олгож байна. Саяхан болсон Азийн MMA-гийн аварга шалгаруулах тэмцээнээс манай тамирчид таван медаль хүртсэн бөгөөд бөх, жүдо болон бусад тулааны спортын асар их туршлага нь тэдэнд томоохон давуу тал болно.
Түүнчлэн сур харвааны төрөлд Б.Отгонболд өмнөх Азийн наадамд түрүүлж манай анхны медалийн буухиаг эхлүүлснээс хойш энэ спорт эрчимтэй хөгжиж байна. Энэ жил Азийн цомд залуучуудын ангилалд чансааг тэргүүлж, Б.Отгонболдтой хамт холимог багийн төрөлд алтан медаль хүртсэн Баасандоржийн Оюун-Эрдэнэ нарын залуус өндөр амжилт үзүүлэх боломжтой. Мөн өмнөх наадмаас эрэгтэй баг нь хүрэл, эмэгтэй баг нь мөнгөн медаль хүртэж, улмаар Улаанбаатарт болсон ДАШТ-ий финалд үлдэж байсан 3x3 сагсан бөмбөгийн шигшээ багаас хөгжөөн дэмжигчид их зүйл хүлээж байна.
Дүгнэж хэлэхэд, Монголын баг тамирчдын гол медалийн төлөвлөгөө чөлөөт бөх, жүдо, сур харвааны төрлүүдэд багаалах ч бокс, холимог тулаан болон 3x3 сагсан бөмбөгийн багуудын амжилт манай улсын медалийн чансааг мэдэгдэхүйц ахиулах боломжтой. Азийн наадмын сэтгэл догдлуулсан тоглолтуудыг цаг алдалгүй хүлээн авч үзэж, 1xBet платформтой хамт үндэсний шигшээ багаа идэвхтэй дэмжээрэй!
