Олон улсын брэнд BizBet-ийн албан ёсны түнш The Huns Esports баг StarLadder Budapest Major 2025-ын дараа cobrazera-г The MongolZ руу шилжүүлснээс хойш анх удаа tier-1 түвшний Counter-Strike 2 тэмцээнд оролцлоо. PGL Astana 2026 тэдний хувьд асар том сорилт байсан ч Монголын залуус дэлхийн шилдгүүдтэй өрсөлдөх чадвараа харуулж чадсан юм.

The Huns тэмцээний эхний тоглолтоо Spirit-ийн эсрэг хийсэн. Dust2 дээр тэд T-side дээр сайн тоглож, эхний хагасыг ердөө 5:7-гийн зөрүүтэй өндөрлүүлсэн бөгөөд xerolte, nin9 нар чухал мөчүүдэд гайхалтай тоглолт үзүүлэв. Гэвч Spirit-ийн супер од donk тоглолтын хувь заяаг шийдэж, 1.80 rating-тайгаар багаа 13:6 харьцаатай ялалт байгуулахад хүргэсэн. Ancient дээр ч Spirit бүрэн давамгайлж, The Huns эхний цувралаа 0:2-оор алдсан. Дараагийн шатанд Aurora-тай учирсан ч Nuke болон Dust2 дээр хамгаалалт нь хангалтгүй байж, дахин ялагдал хүлээлээ. Гэсэн ч sk0R гайхалтай тоглолт үзүүлж, Aurora-гийн эсрэг цувралд 88.7 ADR, 1.12 rating бүртгүүлсэн нь багийн хувьд том эерэг үзүүлэлт болсон юм.

0-2 амжилттай болсон The Huns-д алдаа гаргах эрх үлдээгүй байв. Харин тэд Fisher College-ийг 2:0-ээр буулган авч, тэмцээний анхны ялалтаа байгуулсан. Nuke болон Inferno дээр багийн довтолгоо маш үр дүнтэй ажиллаж, sk0R дахин багаа тэргүүлэн 92.3 ADR, 1.36 rating үзүүлсэн. Ингэснээр Монголын баг плэйоффын найдвараа хадгалж чадсан юм.

Шийдвэрлэх тоглолт Monte-ийн эсрэг болсон бөгөөд эхний map болох Nuke дээр The Huns бүрэн дарамтад орж, 13:2-оор ялагдсан. Гэвч Dust2 дээр nin9 жинхэнэ од байж, 910-ийг санагдуулам тоглолтоор багаа 13:10 харьцаатай ялалтад хүргэсэн. Ингэснээр цуврал Mirage дээр шийдэгдэх болсон. Шийдвэрлэх map дээр controlez entry frag-уудаараа гялалзаж, sk0R short хэсгийг бараг нэвтэршгүй цайз болгосон. The Huns 11:5-аас гайхалтай comeback хийж 12:12 болгосон ч overtime-д Monte туршлагаараа давуу байж, Монголын багийн мөрөөдлийг зогсоосон юм.

Хэдийгээр The Huns тэмцээнээ өндөрлүүлсэн ч тэдний тоглолт олон хүнд сэтгэгдэл үлдээв. nin9, Bart4k, controlez нар өмнө нь The MongolZ-д тоглож байсан туршлагатай бөгөөд энэ бүрэлдэхүүн ирээдүйд The MongolZ-ийн замналыг давтах бүрэн боломжтой гэдгээ харууллаа. PGL Astana 2026 тэмцээн The Huns баг асар их потенциалтайг баталж, тэд дахин Major болон tier-1 тэмцээнүүдэд эргэн ирэх нь цаг хугацааны асуудал гэдгийг харуулсан юм.

Монголын залуусынхаа гайхалтай тоглолтыг үргэлжлүүлэн дэмжиж, цахим спортын гайхамшигт мөчүүдийг BizBet Монголтой хамт мэдрээрэй!