Америкийн “ALS” нийгэмлэг эдгэршгүй хүнд өвчтэй хүмүүст туслахаар “Ice Bucket Challange” аянг эхлүүлсэн юм. Үүнд оролцсон хүн бүр нэг бол хувин дүүрэн мөстэй хүйтэн усыг өөр дээрээ асгана эсвэл 100 доллар хандивлана.

Аянд нэгдсэн олны танил эрхмүүд дээрээсээ мөстэй ус асгахдаа бусдыг нэр цохон дуудах ба “дуудлага” хүлээн авсан хүмүүс маш сонирхолтой байдлаар бичлэг хийлгэх ёстой.

Яг энэ тулааныг Монголд “Мөрөөдлийн театр”-ын жүжигчин Батушка эхлүүлсэн бөгөөд тулаан ЭХЭМҮТ-д эмчлүүлж буй цусны хорт хавдартай хүүхдүүдэд 50-100 мянган төгрөг хандивлах болзолтой юм байна. 

Жүжигчин Батушка "Эмоци" продакшны жүжигчин Төтөг дуэльд дуудсан юм. Дүрэм ёсоор бол Төтөд 24 цагийн л хугацаа байсан. Тэгвэл жүжигчин Төтө түүний хүсэлтийг биелүүлж, өөр дээрээ мөстэй ус асгасан бичлэгээ байршуулсан байна. Энэ удаа Төтө "Маск" продакшны жүжигчин Баярмагнайг дуудлаа.

Ингээд та бүхэнд хоёр жүжигчний мөстэй усны тулааныг толилуулж байна.