Өнөөдөр 9 сарын нэгэн. Ангийнхнаа санасан арван жилийн сурагчид, их эрдмийн аянд дөрөө харшуулсан оюутан, залуус өнөөдөр сургуулиа зорин ирнэ. Нөгөөтэйгүүр энэ өдөр хүн бүр сурагч ахуй цагаа эргэн дурсдаг. Тиймээс 24tsag.mn та бүхний сурагч насныхаа дурсамжийг шингээсэн гэрэл зургуудыг сонирхуулахаар бэлдлээ.
Номхон морио уналаа даа
Номтой цүнхээ үүрлээ дээ
Ээждээ үнсүүлээд аавыгаа дагаад
Эрдэм сурахаар мордлоо доо
Социализмын үеийн анги танхимууд ерөнхийдөө нэг иймэрхүү. Харин тэр хар хөх хананы тухай битгий асуугаарай. Хүүхдүүд черниль болгоод байдаг болохоор энэ нь амар байдаг юм. Яагаав "Говийн зэрэглээ" кинонд гардаг даа.
1990-ээд оны хүүхэд миний хувьд пионер гэхээр улаан малгай, бүстэй нэг их шударга журам, сахилга баттай, онц сурлагатан хүүхдүүд л төсөөлөгддөг. Харин мэдэх хүмүүс нь Пионер гэдэг олон үүрэгтэй, үлгэр жишээ ч хүүхдүүд байсныг дурсах.
Бор форм улаан галстак. Энэ бол тухайн үеийн сурагчдын нийтлэг дүр төрх. Харин охид том цэцэглэсэн өнгө өнгийн копроноор гангарна.
12 хуудастай "тетрадь". Хуудас болгоны дээр улаан шугам гараараа татдаг байснаа санаж байна уу?
Дэлхийн 2 дугаар дайны үед зарим сургуулийн сурагчдад биеийн тамирын гэх үү? бие хамгаалах урлагийн гэх үү? иймэрхүү цэрэгжилтийн маягийн хичээл орж байжээ.
Тэргүүний тасгийн "тэргүүн"-ий багш, "тэргүүн"-ий сурагчдаа хичээлийг нь зааж өгч байна. Тавилттай зураг ч гэлээ тухайн үеийн дүр төрх яг мөн.
Үсгийн цуглуулга. Энийг харж байгаад үсэг цээжилдэг байж л дээ.
Формоо яасан юм бол? Магадгүй форм өмсч эхлээгүй үеийн зураг байх.
Дээхэн үеийн сурагч бүр чернил соруулдаг үзгээр бичдэг байв. Аятайхан соруулахгүй бол гар "будаа".
А.И.Филатова монголын хүүхдүүдийн төлөө их зүйл хийсэн хүн дээ. Харин одоо түүнийг дурсдаг хүн хэд байдаг бол?
Ю.Цэдэнбал дарга ч мөн хүүхдэд хайртай нэгэн байсан.
Цэцэрлэгт шинээр орж байгаа хүүхдүүд хамгийн түрүүнд дээрх тэмдэгүүдээс өөрт ногдсоныг тогтоож авах ёстой болдог. Эс тэгвэл гутал хувцасаа олохгүй гэж мэд.
Харин энэ бол өнөөгийн 9 дүгээр сарын 1.
24tsag.mn
Сэтгэгдэл (7)