Дулааны шугам сүлжээний асуудлаас болж хоёрдугаар төрөх эмнэлэгийн эмч, эмнэлэгийн ажилтнуудтай зодоон, цохиондоо тулсан "Улаанбаатар" их дэлгүүрийнхэн хэвлэлийнхэн рүү албан бичиг илгээгээд завгүй байна. Тодруулбал, Хоёрдугаар төрөх эмнэлэгийнхэн эхчүүд төрдөг нэг давхарын өрөөнүүдээ халаалттай болгохоор бүх ажлыг нь зохицуулаад яг  шугам сүлжээний ажлаа эхлүүлэх гэтэл "Улаанбаатар" их дэлгүүрийнхэн зөвшөөрөл өгөхгүй саад болсон гэдэг. Үүнээс болж эх, нярайд халтай гэх нэрийг зүүгээд буй "Улаанбаатар" их дэлгүүрийнхэн нэрээ цэвэрлэх зорилго бүхий албан бичгийг ийнхүү хэвлэлийнхэн рүү тараагаад байгаа юм.

Харамсалтай нь тэдний явуулсан албан бичгийн утга агуулгаас илүү үг, үсгийн алдаа нь олны анхаарлыг ихээхэн татаад байна. Та бүхэн тэдний бичсэн үг, үсгийн алдааг доорх албан бичгээс засна уу.