Инчоны Азийн наадамд түүхэн амжилт гаргасан Монголын сагсан бөмбөмөгийн шигшээ багийн тоглогч Т.Санчирт Японы багт тоглох санал ирсэн тухай мэдээлэл байгаа.

Тэгвэл энэ талаар Т.Санчир “Японы тал шаардлагатай гэсэн зүйлүүдээ судалж үзээд, эргэж хариу мэдэгдэнэ гэсэн. Түүний дараагаар асуудал арай бодитой болох байх. Тэгээд шаардлагатай гэвэл би өөрөө очиж уулзах байх. Үнэхээр ашигтай гэрээ хийчихвэл Япон явахад буруудахгүй. Би залуу хүн. Өндөр хөгжилтэй орны баг тамирчдаас сурах зүйл надад их байгаа. Монголынхоо сагсан бөмбөгийн хөгжил, тамирчдынх нь ур чадвар хаана явна вэ гэдгээ тэдний дунд нь орж байж мэдэх хэрэгтэй ч юм бил үү" хэмээн ярьжээ.