Ирэх жилийн монголын хувцас загварын өнгө төрхийг тодорхойлохын хажуугаар оны шилдэг загвар зохион бүтээгч, загвар өмсөгч, загварын оргил болсон топ моделийг тодруулдаг “Гоёл-2015” наадам амжилттай үргэлжилж байна. Өнөөдөр отгон топ модель тодрох юм. Дизайнеруудын холбоо, Шилмэл загвар агентлагийнхан одоогоор дөрвөн загвар өмсөгчийг энэ жилийн топд тодорхойлсон байна. Тэдний хувьд бүгдээрээ загварын салбартаа бусдад танигдсан бүсгүйчүүд байх бөгөөд хамгийн магадлал өндөртэй нь 2002 оны “New face” наадмын ялагч, фото мисс Т.Халиун байгаа юм. Мөн “Андра модель” загварын агентлагийн захирал, мисс Х.Бадамгэрэл, Загвар өмсөгч Э.Туяамаа, Х.Уянга гэсэн бүсгүйчүүдийн нэрс топд шалгарах магадлалтай байна.