Хуурай арьс нь хөрснөөсөө тэжээл дутсан, гадны ямар ч нөлөөг эсэргүүцэх чадалгүй болсон, их хэмжээний тэжээл дутагдсан байдаг. Сардаа тогтмол гурван удаа массаж хийлгэх, мөн зовхины тосыг маш сайн хэрэглэх хэрэгтэй. Учир нь хуурай арьстай хүмүүсийн зовхи хэтэрхий их үрчийдэг учир тосыг байнга хэрэглэх тохиромжтой.

Орой унтахаасаа өмнө нүүрээ цэвэрлэхдээ эхлээд нүүрнийхээ будгийг сүүн шингэнээр цэвэрлээд, өөрийнхөө арьсанд зориулагдсан шингэн савангаар заавал угаах хэрэгтэй. Нүүрээ сайн цэвэрлэснийхээ дараа маскаа 10-15 минут болсны дараа арьсандаа тохирсон тосоо түрхэнэ.

    Долоо хоногт хоёр удаа тэжээлийн маск, нэг удаа үрчлээний маск тавьж өгнө. Нүүрээ цэвэрлэчихээд заавал шөнийн тос түрхэх хэрэгтэй. Яагаад гэвэл өдөр алдсан витаминаа шөнө нөхдөг учраас, шөнийн тосоо үргэлж түрхэж арьсаа амрааж байх ёстой.

Шөнийн тос, зовхины тос тэр дороо үйлчилгээгээ өгөхгүй мөртлөө, хэрэглээгүй хүмүүсийн дэргэд нүүр нь хэд дахин илүү толигор байдаг. Хүн орой унтахаасаа өмнө шүдээ байнга угаадаг шиг нүүрнийхээ будгийг байнга цэвэрлэж, арьсаа амрааж байгаараа гэж захимаар байна.

Хуурай арьсны маск нэг хоолны халбага зөгийн бал, мөн адил хэмжээний арвайн гурилыг хоёр халбага шинэ сүүгээр зуураад нүүрэндээ түрхэж 15-20 минут байлгасны дараа хөвөнгөөр арчаад бүлээн усаар угаана.

Өвөлдөө витаминаа нөхөөд авчихсан учраас хэт харлах, сэвхтэх нь харьцангуй бага байдаг, мөн гоо сайханд cap тутамд орж байвал таны нүүр гоё байна. Таны нүүр хэт хуурайшаад биенд чинь жаахан өөрчлөлт орвол нэг зүсэм ананасыг нэг стакан буцалсан усанд хийгээд бүлээн болохоор нь уух хэрэгтэй.
Шөнө унтахаасаа өмнө нүүрээ амраахаас гадна цайны ханд ч юм уу, эсвэл бүлээн усанд дүрж амрааж, хөлөндөө нимгэн тос түрхээд унтахад өглөө босоход зовхины үрчлээс тань багасна. Нүүрээ арчлахдаа хүзүүгээ хамтад нь цэвэрлэх, мөн өвлийн улиралд хүн нүүрээ хамгийн их арчилж байх хэрэгтэй.

Учир нь нарны хэт ягаан туяа, тосны ширхэг гялтангууд дээр ойгоод, хүний нүүрийг нэг ёсондоо томруулдаг шилэн дээр гэрэл тусгахаар цаасыг яаж түлдэг билээ үүнтэй адилхан тийм хурц өөрчлөлт өгдөг учраас хүмүүс өвөл нүүр цайрлаа гэдэг бол тэр нь өнгөн хэсгийг нь хэт хуурайшснаас болдог.

Энэ үед нүүрээ маш сайн цэвэрлэж, арчлах нь зүйтэй, тогтмол массажинд ороод, шөнө оройдоо арьсаа маш сайн цэвэрлээд байвал, хавар хэт хуурайших, нүүр ам холцоруутах, харлах иймэрхүү зүйл гарах нь бага байдаг.