Өмнөд Африкийн гоо бүсгүй 22 настай Ролене Страусс Лондон хотноо зохион байгуулагдсан Дэлхийн мисс шалгаруулах 64 дахь удаагийн тэмцээний ялагчаар тодорлоо. Тэрбум гаруй үзэгчтэй энэхүү нэр хүндтэй тэмцээний хоёрдугаар байрыг Унгарын мисс Эдина Кулзсар, гуравдугаар байрыг Америкийн мисс Элизабет Сафрит нар хүртжээ. 125 орны миссээс шилдгийн шилдгээр тодорсон Страусс “Би юу болж байгааг ч анзаарах сөхөөгүй, биеэ маш их барьсан. Дэлхийн мисс болно гэдэг том хариуцлага” хэмээн ярьсан байна. Ролене Страусс нь анагаахын сургуулийн дөрөвдүгээр курсын оюутан юм байна. Тэрбээр гольф, дугуйн спортоор хичээллэдэг ба төгөлдөр хуур, лимбэ, гитар тоглодог ажээ.
Сэтгэгдэл (16)