Энэ сарын 27 буюу бямба гарагт “The Colors” хамтлагийн “Өнөөдөр хэдэн он бэ? Ноён Тагтаа” шинэ цомгийн нээлт “Өргөө 2” кино театрын хоёр давхарт Milk House Cafe -д 14:00 цагт болохоор болжээ. Анх машины гаражнаас урлагийн гараагаа эхэлсэн тус хамтлаг нь өдгөө White Arch Records-той 2013 оноос хойш хамтран ажиллаж анхны цомог нь худалдаанд гаргахад бэлэн болсон нь энэ юм.
Цомог нь худалдаанд CD болон Download Card гэсэн хоёр хэлбэрээр худалдаалагдах бөгөөд Монголд хамгийн анх удаа Download Card-ийг нэвтрүүлсэнээрээ онцлог болжээ. Мөн iTunes, Spotify, Amazon гэх мэт 40-өөд онлайн дэлгүүрүүдээр худалдаалахаас гадна 27-нд мөн давхар нээлтээ хийж худалдаанд гарахаар болжээ.

Цомгийн нээлтийн үеэр тэд цомогт орсон хоёр шинэ  дуугаа тоглох бөгөөд гурван азтанг тодруулан нэгдүгээр  сард болох The Colors хамтлагийн тоглолтын хоёр тасалбараар шагнах юм байна.