-
2017 оны 2 сарын 25
Холимог салат Орц: /4/ далайн байцаа-2ш чинжүү/улаан гар/-1ш хиам-200гр өндөг-2ш /чансан/ огурцы/дарсан/-1том сонгино майнуз давс сахар Чинжүүгээ халуун усанд 5-10м байлгаад авч нарийхан хэрчинэ. хиам, өндөг ,огурцы,далайн байцаагаа мөн адил хэрчиж бэлтгээд хооронд нь хольж сонгиноо нэмээд амтлан майнузанд нь хольж хутгаад бэлэн болно. ингээд таны ширээний хамгийн амттай салат байх болио. та нэг удаа туршаад үзээрэй. хамгийн амархан амттай зоог тань байж чадна. Waldorf Салат (жимсний салат) Орц: * 2 ш шар алим (Ginger Gold эсвэл Fuji байвал сайн) * 1 ш улаан алим (Red Delicious) * 3 амны халбага алмны цуу * 1 стакан майонез * 1 чимх давс * хар перц * 3/4 стакан хушига, бяцалсан * 1 стакан шар үзэм * 2 амттаны халбага карри * 2 гожгор celery, нимгэлэн хэрчсэн * 1/3 стакан шинэхэн гаа, давхарлаж ороогоод хэрчсэн * 1/2 ш улаан сонгино, маш нимгэн хэрчсэн * 1 ш салатны навч (romaine lettuce) 1. Алимаа угаагаад 4 хуваана. Үрийг нь гэртэй нь аваад алимаа хальстай нь үмхний хэмжээтэй (bite size) хэрчинэ. 2. Томхон шилэн саванд хэрчиж бэлтгэсэн алимаа алимны цуутайгаа холино. Майонезаа нэмээд хутгана. Давс перцээр амтлана. 3. Хушиг, үзэм, celery, гаа, улаан сонгино, карригаа нэмнэ. Нийцтэл нь хутгана. 4. Амтнуудыг нийцүүлэхийн тулд хамгийн багадаа 1 цаг хөргөгчинд байлгана. 5. Гаргаж ирээд навч дэвссэн тавган дээр тавиж сервислэнэ. Амтат чинжүүтэй улаан манжингийн салат Орц: 300 гр улаан манжин, 150 гр амтат чинжүү, сармисны хумс хоёр гурван ширхэг, 50 гр цөцгий, давс, ногоон гоньдийг өөрийн хүссэн хэмжээгээр хийж амтална. Улаан манжинг чанаад хальсийг нь арилган савхан хэлбэртэй хэрчинэ. Амтат чинжүүг цэвэрлээд мөн савхан хэлбэртэй хэрчин улаан манжинтай хольж жижиглэсэн саримас, давс, нунтаг хар чинжүү хийж майонез цөцгийтэй хутгана. Дээрээс ногоон гоньд цацна. Туна загасны салат Орц: /4/ - 6 ш чанасан өндөг - 1 ш сонгино - 185 гр өөрийн шүүсэнд нь нөөшилсөн туна загас - 30 гр майонез - 1 халбага укроп - 2 ш улаан лооль 1. Чанасан өндгөө нарийхан гонзгой хэлбэртэй хэрчиж саванд хийгээд дээрээс нь сонгиноо жижиглэн хийнэ. 2. Лаазалсан туна загасыг шүүснээс нь салган авч өндөг, сонгино дээрээ хийгээд майонезтайгаа сайтар хутгана. 3. Таваглахдаа улаан лоолио нимгэн хавтгай хэрчиж тавган дээрээ тавиад салатаа дээрээс нь таваглана. Укропоо салат болон улаан лоолин дээрээ цацна. Баяслагтай салат Орц: / улаан лооль, FITAKI bayslag ,яншуй, хар перец / Баяслагаа дөрвөлжин хэрчээд улаан лоолио 2 хуваана тэгээд яншуй хар перец өөрийн амтлагаагаар Шинэ ногооны салат Орц: шинэ өргөст хэмх 50гр улаан лооль 50гр ногоон чинжүү 10гр улаан чинжүү 10гр хар чидун жимс 15гр эрдэнэ шиш 10гр сонгино 12гр ургамлын тос 10гр элсэн чихэр 5гр, давс 2гр повоор 2гр уксус 2гр /3%-ийн буюу сулруулсан/ 1. Шинэ өргөст хэмхийг угааж нимгэн хавтгай, улаан лоолийг сармис хэлбэртэй хэрчинэ. 2. Ногоон, улаан чинжүүг угааж маш нимгэхэн хярж, нарийн савх хэлбэртэй хэрчээд дээр нь хар олив болон жижиглэн хэрчсэн сонгиноо хийж давс, повоор, элсэн чихэр, уксус болон ургамлын тос нэмж хутгана. 3. Салатыг таваглаж эрдэнэ шиш цацаж өгнө.
-
2017 оны 2 сарын 24
Диана гүнжийн өмсч байсан даашинзуудыг үзэсгэлэнд тавихаар болжээ. Их Британийн хатан хааны гэр бүлийнхэнд ойр байдаг нэгэн буяны байгууллага Дианагийн 25 даашинзыг Кенсингтоны ордонд өнөөдөр нээлтээ хийх үзэсгэлэнд тавих ажээ. Энэ ордонд Диана гүнж олон жил амьдарч байсан юм.
-
2017 оны 2 сарын 24
Саяхан БНХАУ-ын Шанхай хотноо Монгол улсын урлагийн гавьяат зүтгэлтэн, найруулагч Ч.Найдандорж тэргүүтэй Монголын уран бүтээлчид, Манжуур хотын дэд дарга Рэн Гүөфэн тэргүүтэй тус хотын захиргааныхан, Шанхай хотын Жями компанийн төлөөлөгчид ”Дэлхийн Манжуур” төслийг хамтран хэрэгжүүлэхээр санамж бичигт гарын үсэг зурлаа.
Монгол, Орос, Хятад гурван улсын хил залгах Манжуур хот бол БНХАУ-ын хуурай газрын хамгийн том боомт, гурван улсын эдийн засгийн чөлөөт бүс билээ. Манжуурт зундаа 5-7 сая жуулчин ирдэг бөгөөд тус хотын захиргаа жуулчдад мартагдашгүй дурсамж үлдээх урлагийн тоглолт хийж, Манжуур хотын брэнд шоутай болох замаар улам олон жуулчин татах санаачилга гаргасан нь энэ оны 6 дугаар сараас эхлэн хэрэгжихээр болоод байна.
”Дэлхийн Манжуур” төслийн монгол талын удирдагчаар найруулагч Ч.Найдандорж ажиллаж байгаа юм. Тэрээр: ”Энэ тоглолтын зохиолыг урлагийн гавьяат зүтгэлтэн Ш.Гүрбазар маань бичсэн. Г.Ган-Очир бүжиг дэглэж, Д.Эрдэнэжаргал ерөнхий зураачаар ажиллаж байна. Монголын талаас 20 гаруй уран сайханчид голлон тоглож, орон нутгийн жүжигчид туслах дүр бүтээх юм. Тоглолтын үйл явдлын хувьд эртний тэнгэр шүтлэг, бөө мөргөл, аян дайн, нүүдэл суудал, ан ав, хурим найрын сэдэвтэй. Энэ шоуны үзэгчид олон газраас ирсэн жуулчид байх учир харилцан яриа оруулахгүй, өөрөөр хэлбэл үггүй жүжиг байна гэсэн үг. Үйл явдлыг хөгжим, бүжиг, хөдөлгөөн, дуу авиа, нүүрний хувирал, тайз гэрлийн шийдлээр илэрхийлнэ. Гэхдээ уртын дуу, үндэсний хөгжим, хөөмий гэх мэт язгуур урлагийн элемент оруулна” хэмээн ярьж байлаа.
БНХАУ-ын төрийн шагналт хөгжмийн зохиолч, Бүх Хятадын дуу хөгжмийн клубийн дэд тэргүүн Д.Энхбаяр: Миний бие ”Дэлхийн Манжуур” төслийн хятад талын удирдагч, хөгжмийн зохиолчоор ажиллаж байгаа юм. Манай шоу тоглолт хөгжмийн хувьд симфониор гол болгоно. Мөн киноны болон тайзны хөгжмийн хэв маягийг хослуулж, хөөмий, уртын дуунаас улируулж өнөөгийн рок поп хөгжмийг ч оруулах юм. Бид жүжгийн хувьд ч, хөгжмийн хувьд ч, тайз гэрлийн хувьд ч Лас Вегасын шоу шиг дэлхийн хэмжээний шоу хийх зорилго тавьсан. Одоо бүх боломж бүрдчихлээ. Манай багийн уран бүтээлчид тавьсан зорилгодоо хүрэхийн тулд хамаг ур ухаан, авьяас чадвар, хүч чадлаа дайчлан ажиллах болно” гэсэн юм.
Харин Жями компанийн захирал Юй Цун-И: ”Бид театрыг орчин үеийн 4D, 5D технологийн дагуу тоноглоно. Тайзны тоноглол, гэрлийн шийдэл, шинэ технологиор үзэгчдийг алмайруулж, үзэж байгаа дүрс нь бодит байдал уу, хуурмаг үзэгдэл үү гэдэгт эргэлзэхэд хүргэнэ. Тоглолтын хөдөлгөөн, өнгө дүрс ганц тайзаар хязгаарлагдахгүй, зрител дундуур, үзэгчдийн дэргэд ч үйл явдал өрнөх юм” хэмээн ярьж байлаа.
Энэ төслийг санаачлагч Манжуур хотын захиргааныхан тус хотод аялал жуулчлалын үйл ажиллагаа эрхэлдэг компаниудаар дамжуулан жуулчдад тасалбар борлуулах, уран сайханчдын виз, орон сууц, нийгмийн асуудлыг бүх талаар шийдвэрлэх үүрэг хүлээж байгаа юм. Манжуурын театр 3000 хүний суудалтай бөгөөд нэг тогтлолтыг наад зах нь 2000 хүнд үзүүлнэ гэж төлөвлөөд байгаа юм байна.
До.Болдхуяг
-
2017 оны 2 сарын 23
Чөлөөт бөхийн эмэгтэйчүүдийн шигшээ багийн тамирчин Д.Отгонцэцэгт гавьяат тамирчин цол олгохоор болжээ. Тэрбээр чөлөөт бөхөөр 14 настайгаасаа эхлэн хичээллэсэн бөгөөд чөлөөт бөхийн насанд хүрэгчдийн ДАШТ-ий мөнгө, хүрэл, залуучуудын ДАШТ-ий хошой хүрэл, Азийн АШТ-ий алт, мөнгө, хүрэл, залуучуудын Азийн АШТ-ий алт, хүрэл медаль хүртэж байсан юм. Мөн УАШТ-д долоон удаа түрүүлж байсан юм.
Түүний цол тэмдгийг маргааш гардуулах юм байна.
-
2017 оны 2 сарын 23
“Алтан унжлагат” хэмээх гал тахиа жилийн сар шинийн баярт зориулсан үндэсний бөхийн цуврал барилдаан өнөөдөр сумын цолтой болон залуу бөхчүүдийн барилдаанаар эхэлнэ.
-
2017 оны 2 сарын 23
Саяхан БНХАУ-ын Шанхай хотноо Монгол улсын урлагийн гавьяат зүтгэлтэн, найруулагч Ч.Найдандорж тэргүүтэй Монголын уран бүтээлчид, Манжуур хотын дэд дарга Рэн Гүөфэн тэргүүтэй тус хотын захиргааныхан, Шанхай хотын Жями компанийн төлөөлөгчид ”Дэлхийн Манжуур” төслийг хамтран хэрэгжүүлэхээр санамж бичигт гарын үсэг зурлаа.
Монгол, Орос, Хятад гурван улсын хил залгах Манжуур хот бол БНХАУ-ын хуурай газрын хамгийн том боомт, гурван улсын эдийн засгийн чөлөөт бүс билээ. Манжуурт зундаа 5-7 сая жуулчин ирдэг бөгөөд тус хотын захиргаа жуулчдад мартагдашгүй дурсамж үлдээх урлагийн тоглолт хийж, Манжуур хотын брэнд шоутай болох замаар улам олон жуулчин татах санаачилга гаргасан нь энэ оны 6 дугаар сараас эхлэн хэрэгжихээр болоод байна.
”Дэлхийн Манжуур” төслийн монгол талын удирдагчаар найруулагч Ч.Найдандорж ажиллаж байгаа юм. Тэрээр: ”Энэ тоглолтын зохиолыг урлагийн гавьяат зүтгэлтэн Ш.Гүрбазар маань бичсэн. Г.Ган-Очир бүжиг дэглэж, Д.Эрдэнэжаргал ерөнхий зураачаар ажиллаж байна. Монголын талаас 20 гаруй уран сайханчид голлон тоглож, орон нутгийн жүжигчид туслах дүр бүтээх юм. Тоглолтын үйл явдлын хувьд эртний тэнгэр шүтлэг, бөө мөргөл, аян дайн, нүүдэл суудал, ан ав, хурим найрын сэдэвтэй. Энэ шоуны үзэгчид олон газраас ирсэн жуулчид байх учир харилцан яриа оруулахгүй, өөрөөр хэлбэл үггүй жүжиг байна гэсэн үг. Үйл явдлыг хөгжим, бүжиг, хөдөлгөөн, дуу авиа, нүүрний хувирал, тайз гэрлийн шийдлээр илэрхийлнэ. Гэхдээ уртын дуу, үндэсний хөгжим, хөөмий гэх мэт язгуур урлагийн элемент оруулна” хэмээн ярьж байлаа.
БНХАУ-ын төрийн шагналт хөгжмийн зохиолч, Бүх Хятадын дуу хөгжмийн клубийн дэд тэргүүн Д.Энхбаяр: Миний бие ”Дэлхийн Манжуур” төслийн хятад талын удирдагч, хөгжмийн зохиолчоор ажиллаж байгаа юм. Манай шоу тоглолт хөгжмийн хувьд симфониор гол болгоно. Мөн киноны болон тайзны хөгжмийн хэв маягийг хослуулж, хөөмий, уртын дуунаас улируулж өнөөгийн рок поп хөгжмийг ч оруулах юм. Бид жүжгийн хувьд ч, хөгжмийн хувьд ч, тайз гэрлийн хувьд ч Лас Вегасын шоу шиг дэлхийн хэмжээний шоу хийх зорилго тавьсан. Одоо бүх боломж бүрдчихлээ. Манай багийн уран бүтээлчид тавьсан зорилгодоо хүрэхийн тулд хамаг ур ухаан, авьяас чадвар, хүч чадлаа дайчлан ажиллах болно” гэсэн юм.
Харин Жями компанийн захирал Юй Цун-И: ”Бид театрыг орчин үеийн 4D, 5D технологийн дагуу тоноглоно. Тайзны тоноглол, гэрлийн шийдэл, шинэ технологиор үзэгчдийг алмайруулж, үзэж байгаа дүрс нь бодит байдал уу, хуурмаг үзэгдэл үү гэдэгт эргэлзэхэд хүргэнэ. Тоглолтын хөдөлгөөн, өнгө дүрс ганц тайзаар хязгаарлагдахгүй, зрител дундуур, үзэгчдийн дэргэд ч үйл явдал өрнөх юм” хэмээн ярьж байлаа.
Энэ төслийг санаачлагч Манжуур хотын захиргааныхан тус хотод аялал жуулчлалын үйл ажиллагаа эрхэлдэг компаниудаар дамжуулан жуулчдад тасалбар борлуулах, уран сайханчдын виз, орон сууц, нийгмийн асуудлыг бүх талаар шийдвэрлэх үүрэг хүлээж байгаа юм. Манжуурын театр 3000 хүний суудалтай бөгөөд нэг тогтлолтыг наад зах нь 2000 хүнд үзүүлнэ гэж төлөвлөөд байгаа юм байна.
До.Болдхуяг
-
2017 оны 2 сарын 23
Азийн 8-р Өвлийн наадамд оролцож буй манай уулын цанын шигшээ баг өчигдөр анхны уралдаанаа хийлээ. Жиант слалом буюу туг сүлжих төрөлд нийт 22 орны 44 тамирчин уралдахаар бүртгүүлсэн. Манай улсыг төлөөлөн Г.Буянт уралдаанаа хийж, 2 гарааны нийлбэр дүнгээр 3:17,5 секундын амжилтаар 29-р байрт орлоо.
Уг уралдаанд манай улсаас Ч.Баярзул, Б.Орхонтамир нар мөн өрсөлдөх учиртай байсан ч техникийн асуудлаас шалтгаалан уралдаанаа хийж чадсангүй. Энэ зайд Японы тамирчид алт, хүрэл медалийг хүртэж, БНСУ-ын тамирчин мөнгөн медалийн эзэн болжээ.
Энэ үеэр Монголын багийн ахлагч Ч.Насантогтох болон МҮОХ-ны ерөнхий нарийн бичгийн дарга Ж.Отгонцагаан тэргүүтэй албаны төлөөлөгчид тэмцээн уралдаанд оролцож буй Д.Чагнаа дасгалжуулагчтай шигшээ багт амжилт хүсч, тодорхой асуудлууд дээр санал солилцсон юм.
-
2017 оны 2 сарын 23
Жүжигчин СТА, Г.Золбоот МУГЖ цолоор энгэрээ мялаахаар болжээ.
Энэ талаар жүжигчин Г.Золбоотоос тодруулахад “Үнэхээр сайхан санагдаж байна. Энэ ганцхан миний баяр, миний шагнал биш. Олон хүн намайг МУГЖ цол хүртээсэй, цаг нь болсон байтал энэ хүн яагаад авахгүй байна вэ гэж миний өмнөөс дуугарч байсанд би үнэхээр их талархдаг. Олон хүний ерөөл буян, сайхан үгс биелэлээ олж байгаад баяртай байна. Түмэн олондоо баярлалаа. Хүнд хайрлагдаж, хүндлэгдэх хувь тохиол байж дээ л гэж баярлаж сууна” хэмээн баярын сэтгэгдлээ хуваалцлаа.
Тэрбээр МУГЖ цол тэмдгээ энэ сарын 24-нд буюу ирэх баасан гарагт 11.00 цагт Төрийн ордноос гардан авах юм байна.
-
2017 оны 2 сарын 22
Азийн 8-р Өвлийн наадам Японы Саппоро хотноо албан ёсоор эхэллээ. 2-р сарын 19-26-ны өдрүүдэд явагдах энэхүү наадамд нийт 32 орны 2000 орчим тамирчид болон албаны хүмүүс оролцож байгаагаараа тивийн хэмжээнд түүхэн дэх хамгийн том өвлийн наадамд тооцогдож байна. Азийн наадмын нээлтийн ажиллагаа Саппоро хотын бахархал болсон Саппоро Дом цэнгэлдэхэд явагдсан бөгөөд тун удахгүй Японы эзэн хааны ширээг залгамжлах хунтайж Нарухито өөрийн биеэр хүрэлцэн ирж, албан ёсоор нээсэн юм. Ёслолын арга хэмжээнд Азийн Олимпийн Зөвлөлийн ерөнхийлөгч Шэйх Ахмад Ал Фахад Ал Сабах хүрэлцэн ирж нээлтийн үгийг хэлэв. “Азийн Олимпийн зөвлөл Саппорог өвлийн наадмын “гэр” нь гэж үздэг. Наадам гэртээ эргэж ирсэнд баяртай байна. Та бүхний энэхүү дэмжлэгт маш их баярлаж байна” хэмээн Шэйх Ахмад хэлсэн үгэндээ цохон тэмдэглэсэн юм. Азийн Өвлийн наадмыг Саппоро хот өмнө нь 1986, 1990 онуудад дараалан зохион байгуулж байсан билээ. Олимпийн бамбарыг 1998 оны Наганогийн олимпийн аварга Масахико Харада асаасан бөгөөд тэшүүрийн төрөлд мөн тухайн олимпод аваргалж байсан Х.Шимизу тэргүүтэй 4 тамирчид буухиалан цэнгэлдэхэд заллаа. Тамирчдын жагсаалаар эхлэсэн нээлтийн ажиллагаа Японы соёлын онцлог, шинэ залуу үеийн эрч хүчийг харуулсан хөгжим, бүжгийн үзүүлбэрүүдээр үргэлжилж, наадмын сүлд дууллыг Японы алдарт Dreams Come True хамтлаг дуулан мини концертоо толилуулснаар өндөрлөлөө. 7 хоногийн турш авхаалж самбаагаа сорих азийн
-
2017 оны 2 сарын 22
“Мансуурам”-аар хаварыг угтаарай
“SPACE” энтертайментийн залуу уран бүтээлч Гүүлий өөрийн шинэ соло уран бүтээлээ танилцуулжээ.
Хавар анхны яргуу ургаж, хавар анхны бороо шивэрч, хавар хайрын улирал. Нандин гэмээр энэ улиралд дуучин Гүүлий “Мансуурам” бүтээлээрээ Хаварыг угтаж байна.
“Мансуурам” дууны утгыг уран бүтээлчээс өөрөөс нь лавлахад “Хүн бүрийн мэдэрдэг тэр л нандин мэдрэмж. Зөөлөн хэрнээ аялгуулаг, жаргалтай сэтгэл догдлуулсан хамгийн үнэ цэнэтэй зүйл бол хайр шүү дээ. Тийм ч учраас бүтээлдээ энэ бүгдийг шингээхийг хичээсэн” тухай хуваалцсан билээ.
Сонирхуулахад “Мансуурам” дууны үг, аяыг залуу уран бүтээлч өөрөө зохиосон гэдгээрээ онцлогтой юм.
Ингээд олон зүйл нуршилгүй түүний шинэ уран бүтээлийг хамтдаа сонирхоё.
https://www.youtube.com/watch?v=2ouoVaMX4DM
-
2017 оны 2 сарын 22
Обихиро хотноо явагдаж буй тэшүүрийн спортын төрөлд өрсөлдөж буй монголын эмэгтэй тамирчид уралдаанаа дуусгалаа. Эмэгтэйчүүдийн 1500 метрийн зайд өрсөлдсөн залуучуудын олимпийн аварга Б.Сумъяа 2:18.25-ийн амжилттайгаар 16-р байрт орлоо. Энэ зайд нийт 17 тамирчин өрсөлджээ. Эхний гурван байрыг Японы тамирчид эзлэв.
Энэ уралдааны дараа болсон эмэгтэчүүдийн 500 метрийн зайд манай 2 тамирчин өрсөлдсөн. Өнгөрсөн сард Казахстанд зохиогдсон Универсиад наадамд улсын дээд амжилтыг шинэчлэн тогтоосон ОУХМ А.Зул 42,22 секундын амжилтаар 14-р байрт орлоо. Харин Б.Сумъяа 43,72 секундын амжилтаар 15-р байрт бичигдлээ. Энэ зайд нийт 17 тамирчин өрсөлдсөн юм. Сонирхуулахад энэ төрөлд эхний 4 байрт орсон тамирчид бүгд 500м-ийн Азийн рекордыг эвдсэн бөгөөд Хятадын тамирчин Азийн дээд амжилтыг шинэчлэн тогтоосон ч медаль хүртэж чадсангүй тохиолдол гарлаа.
Эрэгтэйчүүдийн тэшүүрийн 1000 метрийн зайд өрсөлдсөн спортын мастер Д.Гочоосүрэн 1:17,40 секундын амжилт үзүүлснээр хувийн дээд амжилтаа шинэчлэн тогтоож, ОУХМ-ийн болзол хангалаа. Тэрээр энэ амжилтаараа 19-р байрт оржээ.
Энэ зайд өрсөлдсөн манай нөгөө тамирчин болох ОУХМ Я.Зоригтбаатар 1:14,90 амжилтаар 17-р байрт орсон байна.
Энэ төрөлд эхний гурван байрт орсон тамирчид бүгд Азийн рекордыг эвдэж Японы тамирчид алт, хүрэл медалийг хүртэн, Казахстаны тамирчин 2-р байрт оржээ.
-
2017 оны 2 сарын 21
Гал тахиа жилийн цагаан сарын баярт зориулсан үндэсний бөхийн цуврал барилдааны эхлэх цаг нь наашилжээ. Уламжлал ёсоор сар шинийн барилдаан 14:00 цагаас эхэлдэг байсан бол энэ жил 12 цагт эхлэхээр болсон байна.
-
2017 оны 2 сарын 21
Мэргэжлийн сүмогийн 69 дэх Их аварга, Хакухо М.Даваажаргал эхнэр Саяако Вадагийн хамт хуримын 10 жилийн ойгоо тэмдэглэжээ.
-
2017 оны 2 сарын 21
Брэд Питт, Анжелина Жоли нар 2016 оны есдүгээр сард алсан ёсоор салсан. Тэд 12 жил хамт амьдарсан ч гэр бүлээ батлуулаад ердөө хоёр жил болсон юм.
-
2017 оны 2 сарын 21
УДБЭТ-ын тайзнаа
II.23 - 19.00 “Морин хуур 2016” шилдэг дуу шалгаруулах наадам
II.25 - 17.00 “Хүндлэн золгоё” концерт
Г.Занабазарын нэрэмжит Дүрслэх урлагийн музей
II.22-25 ”Монгол ухаан-Модоор урлахуй” үзэсгэлэнд XIX-XX зууны үед монгол хүний ур, ухаан шингээж урласан модон урлалын 100 гаруй бүтээлийг музейн сан хөмрөгөөс дэлгэн толилуулна.
Монголын Үндэсний музей
II.20-24- 10.00-17.00 “Шинэ бүтээлийн дээжис” үзэсгэлэн Орхон аймгийн Жаргалант сумын Айрагийн гозгорт явуулсан Хүннү, Сяньбийн булшнаас илэрсэн олдворууд, Алтайн нурууны дундад зууны үед холбогдох хадны оршуулгаас илэрсэн Алтай ятга, нум сум, дээл болон Сасанидын мөнгөн зоос, Юань улсын цаасан мөнгө, цэргийн дээл, Монголын хамгийн өндөр хүн Д.Рагчаа агсны хувцас зэрэг олон сонирхолтой үзмэрийг дэлгэн олны хүртээл болгож байна.
Монголын Театрын музей
II.20-23 - 09.00-17.00 Нэмэндэйн Янжмаагийн амьдралын замналыг харуулсан “Эгшигт эх” үзэсгэлэн. “Удмаа дээдлэе” ТББ, Монголын театрын музейтэй хамтран Монголын эмэгтэйчүүдийн холбооноос санаачлан тус холбооны даргаар ажиллаж байсан эмэгтэйчүүдийн амьдралын замналыг харуулсан цуврал үзэсгэлэнг гаргажээ.
Тэнгис кино театрын тайзнаа
II.24 Найруулагч Д.Энхбаатарын бүтээл “Эзэгнэгч” уран сайхны киноны нээлт болно.
-
2017 оны 2 сарын 20
2017 оны 2-р сарын 13-нд Монгол улсын ”Чононгоо фильм продакшн”-ы уран бүтээлчид БНХАУ-ын Шанхай хотноо айлчилж тус продакшны бүтээл Монголын уран сайхны ”Ээж” киног Хятад улсад гаргах асуудлаар Шанхай хотын Жями группийн төлөөлөгчидтэй анхны тохиролцоонд хүрч, санамж бичигт гарын үсэг зурлаа. Энэ киног Дээд Монголын яруу найрагч Б.Бүргэд хятад хэлээр орчуулсан юм.
Ээж киноны зохиолыг ”Чононгоо фильм прадакшн”-ы захирал, зохиолч Б.Мөнхтуяа бичиж, МУСТА Б.Эрдэнэцэцэг найруулан, МУАЖ Д.Мэндбаяр гол дүрд тогложээ. Ээж кино урьд нь ОХУ-ын Башкортостан улсын Уфа хотын олон улсын ”Мөнгөн морь” кино наадамд оролцон 32 орны 27 киноноос ”Шилдэг эмэгтэй дүр”-ийн шагналыг жүжигчин Д.Мэндбаяр гуай хүртсэн бол Америкийн Лос Анжелес хотод ”Азийн дэлхийн шилдэг кино наадам”-д 51 орны 30 гаруй кино өрсөлдөн шилдэг таван киноны нэгээр шалгарчээ. Ээж кино мөн Энэтхэгийн Башкир, Японы Токио хотод болсон Азийн олон улсын кино наадамд оролцсон бөгөөд энэ оны 6 дугаар сард Америкийн Сиетл хотод, 7-р сард Францад ”Нэг улс нэг кино” наадамд оролцох юм байна.
”Чононгоо фильм продакшн”-ы уран бүтээлчид тус продакшны захирал, МУСТА Б.Мөнхтуяагийн бичсэн Хятадын цагаач эмэгтэйн амьдралаас сэдэвлэсэн ”Сэтгэлийн хязгаарт” зохиолыг Шанхай хотын Жями групптэй хамтран уран сайхны кино бүтээхээр тохиролцжээ.
До.Болдхуяг
-
2017 оны 2 сарын 20
Солонгосын Ой тогтоолтын олон улсын нээлттэй тэмцээнд Солонгос, Монгол, Герман, Америк, Филиппин, Япон зэрэг 15 улсын нийт 178 тамирчин 90 багц медалийн төлөө энэ сарын 18, 19-нд өрсөлджээ. Тус тэмцээн 30 сая воны шагналын сантай аж.
Манай улсаас 19 тамирчин, багш дасгалжуулагчдын хамт оролцсон бөгөөд тэмцээнээс 14 алт, 15 мөнгө, 12 хүрэл буюу нийт 41 медаль хүртэн багаараа нэгдүгээр байр эзэлжээ.
Мөн тус тэмцээнд дэлхийн 4 дээд амжилт эвдэгдсэн нь манай тамирчдын эвдсэн амжилтууд байлаа. Тухайлбал бага насны ангилалын ”Зураг” төрөлд Б.Хангал, дунд нас буюу өсвөр насны ангилалд ”Зураг” төрөлд Их Мастер Б.Ариунсанаа, 10 минутын ”Хөзөр” төрөлд ОУ-ын Мастер Э.Лхагвадулам, ”Дуут цифр төрөлд Г.Энхлэн нар дэлхийн дээд амжилтыг шинэчлэн тогтоожээ.
-
2017 оны 2 сарын 19
Холливудын нэрт жүжигчин Анжелина Жоли, Брэд Питт нар өнгөрөгч оны есдүгээр сард албан ёсоор салсан. Өөрийн, өргөмөл нийлсэн зургаан хүүхдээ жүжигчин бүсгүй өөр дээрээ өсгөж буй юм.
-
2017 оны 2 сарын 19
01.00 Бөх нойрсох vе өнгөрч амархан сэрж өвчин мэдрэх нь илvvтэй болно.
02.00 Элэгнээс бусад эрхтэн бараг ажиллахгvй. Энэ vед унтаагvй бол кофе, цай, спиртийн зvйл ууж болохгvй. Аяга ус юмуу сvv уу.
-
2017 оны 2 сарын 19
Дэлхийн II дайны үед Адольф Гитлерийн ашиглаж байсан телефон утсыг энэ амралтын өдөр АНУ-д дуудлагаар худалдана. Уг утсан дээр Нацист Германы удирдагчийн нэрийг сийлсэн байдаг гэнэ.
